Әл-Анғам Сүресі

الأنعام — Шаруа малдары) — 6-ш Құран сүресі. 165 аяттан тұрады. Бұл Меккелік сүренің тақырыбы монотеизм, қайта тірілу, жұмақ мен тозақты қамтиды.

Әл-Анғам сүресі — الأنعام

Сүренің арабша мәтіні
Атауының мағынасы	Шаруа малдары
Жіктелуі	Меккелік
Жерге түсірілу реті	55
Статистика
Сүре нөмірі	6
Аяттар саны	165
Джуз	7 – 8
Хизб	13 – 14 – 15
Рукуғ саны	20
Сөз саны	3860
Әріп саны	12254
Алдыңғы сүре	Әл-Мәида сүресі
Келесі сүре	Әл-Ағраф сүресі
Аударма	QuranAcademy.org Kuran.kz
Аудио	Фалак.ru

Бұл сүреде Ибраһим пайғамбардың аспан денелерін бақылай келе жалғыз Құдай бар деген сенімге қалай келетіні жайлы әңгімесі келтіріледі.

• 6:32 - бұл өтпелі дүниені сүймеуді үйретеді:

"Дүние тіршілігі еш нәрсе емес. Ойын-сауық ғана. Әрине ақырет жұрты тақуалар үшін жақсы. Сонда да түсінбейсіңдер ме?." (6:32)

• 6:59 - тек жалғыз Аллаһ Тағаланың барлық нәрсенің анық-қанығын білетіндігі ескеріледі:

"Көместің кілттері Оның жанында. Оны Ол, өзі ғана біледі. Және құрлықтағы, теңіздегі нәрселерді біледі. Бір жапырақ түссе де, Алла оны біледі. Және жердің қараңғылықтарындағы құрғақ және жас ұрыққа дейін ашық Кітапта бар." (6:59)

• 6:68 - Бос әңгімені доғаруды бұйрық етті:

"(Мұхаммед Ғ.С.) аяттарымыз турасында олардың ажыуаға кіріскенін көрген сәтте, басқа сөзге кіріскендеріне шейін олардан бет бұр. Егер шайтан саған ұмыттырса, есіне түскененнен кейін залымдар тобымен бірге отырма." (6:68)

• 6:73 - Аллаһның Құдырітті Күштің Иесі екенін үйретеді:

"Ол, көктер мен жерді шындықпен жаратты. Ол: «Бол» деген күні бола кетеді. Оның сөзі шын. Сұр үрілетін (қиямет) күні әкімшілік Оныкі. Көместі және көрнеуді білуші әрі Ол хикмет иесі, толық хабар алушы." (6:73)

"Осылайша Ыбырайым (Ғ.С.) ға сенушілерден болуы үшін көктердің, жердің (Ғажайып) мүліктерін көрсетттік. (6:75)

Оны түн қаптаған сәтте, бір жұлдыз көрді де: «осы менің Раббым» деді. Жұлдыз батқан кезде; «Бататындарды жақсы көрмеймін» деді. (6:76)

Туған айды көргенде: «Осы менің Раббым» деді. Ол батқанда: «Егер Раббым тура жолға салмаған болса еді, әрине мен де адасқан елден болар едім» деді. (6:77)

Және шыққан күнді көргенде: «осы менің Раббым, мынау үлкенірек» деді. Ол батқан сәтте: «Әй қаумым! Расында, сендер Аллаға ортақ қосқан нәрселерден бездім» деді. (6:78)

«Мен шынайы түрде жүзімді көктерді, жерді жаратқанға мүлде жөнелттім. Және ортақ қосушылардан емеспін» деді. (6:79)

Елі онымен тартысқа кірісті. «Мені рас тура жолға салған Алла жайында менімен таласасыңдар ма? Мен сендердің оған ортақ қосқан нәрселеріңнен қорықпаймын. Бірақ Раббым не нәрсе қаласа, (болады) Раббымның білімі әр нәрсені қамтыған. Ойланбайсыңдар ма?»,- деді. (6:80)

«Сендердің қосқан ортақтарыңнан қалайша қорқамын. Сендер ешбір дәлел түсірілмеген нәрсені Аллаға ортақ қосудан қорықпайсыңдар. Сенім тұрғысынан екі топтың қайсысы лайығырақ? Егер білетін болсаңдар.» (6:81)

Сондай иман келтіріп, сенімдерін зұлымдықпен былғамағандар, міне соларда сенімділік бар. Және олар тура жолға түсірілгендер. (6:82)

Ыбырайым (Ғ.С.) ның еліне байланысты берген дәлеліміз осы. Қалағанымыздың дәрежесін көтереміз. Күдіксіз Раббың хикмет иесі, толық білуші. (6:83)"

• Сүренің қазақша аудармасы

 

Уикиқайнарда бұған қатысты түпнұсқа мәтін бар:

Qur'an - Al-Anaam