Салауат — Мұхаммед пайғамбардың (ғ.с.) есімі аталған кезде арнайы айтылатын дұға атауы.
Салауат Құран Кәрімдегі бұйрық бойынша пайғамбарға жарылқау, құрмет, мадақтау, дұға тілеу мағынасында арнайы жасалатын құлшылық түрі. Ислам ғұламалары салауат айтуды шариаттың шарты ретінде бекіткен. Әбу Ханифа мазхабында әр намаз оқылғанда пайғамбарға салауат айтуды сүннет үкіміне жатқызады. Жазба әдебиетте “с.ғ.с.”, “ғ.с.”, “с.а.у.” түрінде салауаттың қысқарған сөз түріндегі қалпын пайдалану дәстүрі бар. Қазақ дәстүрлі қоғамында пайғамбарға құрмет иманның басты негізі ретінде танылғандығын жыраулар мұрасынан анық көреміз. Қашаған жырау, Әбубәкір Кердері, Ақтай Керейұлы, т.б. қазақ шайырларының шығармашылығында да салауаттың, мадақтың мәні көрсетілген.
Аудармасы | Оқылуы | Мәтіні |
---|---|---|
Я, Аллам! Пайғамбарымыз (с.а.у.) Мұхаммедке және Оның отбасы мен ұрпағына, мейіріміңді төгіп, олардың мерейін үстем ет. | Аллаһумма салли ‘ала Мухаммәдин уә ‘ала әли Мухаммәд. | ٱللَّٰهُمَّ صَلِّ عَلىٰ مُحَمَّدٍ وَعَلَىٰ آلِ مُحَمَّدٍ |
Тура хазіреті Ибрахим және оның отбасы мен ұрпағына мейіріміңді төгіп, олардың мерейін үстем еткеніңдей. | Кәмәә саллайта ‘ала Ибраһимә уә ‘ала әли Ибраһим. | كَمَا صَلَّيْتَ عَلَىٰ إبْرَاهِيمَ وَعَلَىٰ آلِ إبْرَاهِيمَ |
Күмәнсіз Сен – Хамидсің, мәжидсің. Яғни, барлық мадақ пен ұлылық, асқақтық саған ғана тән. | Иннәкә хамидун мәжиид(ун). | إنَّكَ حَمِيدٌ مَجِيدٌ |
Я, Аллах, Және Хазіреті Мұхаммед пен оның отбасын, ұрпағын мүбәрак (барик) ет. Олардың ырыс-берекетін ұдайы арттыр. | Уә бәәрик ‘ала Мухаммадин уә ‘ала әли Мухаммад. | وَبَارِكْ عَلَىٰ مُحَمَّدٍ وَعَلَىٰ آلِ مُحَمَّدٍ |
Тура Хазіреті Ибраһим оның отбасын, ұрпағын мүбәрак еткенің секілді. | Кәмәә бәәрәктә ‘ала Ибраһимә уә ‘ала әли Ибраһим. | كَمَا بَارَكْتَ عَلَىٰ إبْرَاهِيمَ وَعَلَىٰ آلِ إبْرَاهِيمَ |
Күмәнсіз Сен – Хамидсің, мәжидсің. Яғни, барлық мадақ пен ұлылық, асқақтық саған ғана тән. | Иннәкә хамидун мәжиид(ун). | إنَّكَ حَمِيدٌ مَجِيدٌ |
Бұл мақаланы Уикипедия сапа талаптарына лайықты болуы үшін уикилендіру қажет. |
This article uses material from the Wikipedia Қазақша article Салауат, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.