San Pitreburghe

Disambiguazzione – Ce ste cirche Leningrad, 'ndruche San Pietroburgo (disambigue).

San Pitreburghe (jndr'ô russe: Санкт-Петербург^[?], Sankt Peterburg, /ˈsankt ˌpʲɪtʲɪrˈburk/) ccu cchiù de 4,5 miglione de crestiáne (2006), ète 'a seconne cetate d'a Russie pe' dimenziune e pe' popolazzione e pure 'u puèrte cchiù 'mbortande. Jè pure 'na cetate federale russe. Funnate da 'ô Zar Pitre 'u Granne sus ad 'u delte d'a Neva, addò 'u jume sfocie jndr'ô Gurfe de Finlandie, ha state a longhe capitale de lle 'Mbere russe, sede d'a Corte de lle Zar e ôsce a die ète une de lle prengepále cendre artisteche e culturale d'Europe.

San Pitreburghe amministrazioni
Санкт-Петербург, Sankt Peterburg
Stato:	Russie
Coordinate:	59°56′N 30°20′E / 59.933333°N 30.333333°E59.933333; 30.333333 Coordinate: 59°56′N 30°20′E / 59.933333°N 30.333333°E59.933333; 30.333333
Altitudine	3 m s.l.m.
Superficie	606 km²
Crestiàne	4.581.854  (2009)
Denzetà	3.202 ab./km²
CAP	190000-199406
Prefisso tel	+7 812
Targa	78 e 98
Sinnache	Valentina Ivanovna Matvienko
San Pitreburghe
Site istituzionale	www.gov.spb.ru

• Pietrogrado (jndr'ô russe: Петроград^[?] - Petrograd), da 'u 31 aguste (18 aguste d'u Calendarie Giuliane) 1914 ad 'u 26 scennàre 1924.
• Leningrado (jndr'ô russe: Ленинград^[?] - Leningrad), da 'u 26 scennàre 1924 ad 'u 6 settèmmre 1991.

^ⓘ n'sequenza le nome "Sankt Peterburg", "Leningrad", "Petrograd", "Piter". Quiste urteme ète 'nu nome 'mbormale ccu cui 'a cetate ète chiamate jndr'à Russie.

Posiziune

'A cetate se iacchie sus 'a foce d'u jume Neva, sus ad 'u Mar Baltiche e 'nglude jndr'à soje ambie aree urbane pure alcune isole. Jè acchiate a lle confine ccu 'a Finlandie e l'Estonie, cirche a metate strade 'mbrà lle capitale Helsinki e Tallinn. Jè 'u capeluèche d'u Destritte Federale Nordoccidentale e de ll'Oblast' de Leningrado, pure ce non ge face parte.

Suddivisiune amministrative

'A cetate se spànne pe' 'nu territorie de 606 km², mendre le 'ndere suggette federale cittadine cunde 1.439 km² jndr'ô quale, oltre ad 'a cetate proprije, se iaccihene le 9 cettadine suburbane de Kolpino, Krasnoe Selo, Kronštadt, Lomonosov, Pavlovsk, Peterhof, Puškin, Sestroreck e Zelenogorsk. 'U suggette federale de San Pitreburghe jè scucchiáte jndre 18 destritte (innecate ccu l'asterische quidde cobrennende le cetate suburbane).

1. Admiraltejskij 2. Vasileostrovskij 3. Vyborgskij 4. Kalininskij 5. Kirovskij 6. Kolpinskij * 7. Krasnogvardejskij 8. Krasnoselskij * 9. Kronštadtskij *

10. Kurortnyj * 11. Moskovskij 12. Nevskij 13. Petrogradskij 14. Petrodvorstovyj * 15. Primorskij 16. Pushkinskij * 17. Frunzenskij 18. Centralnyj

 

Seconne le resultate de ll'urteme cenzimènde (9 ottommre 2002), San Pitreburghe cunde 4.159.635 crestiáne, auguale a cirche 'u 3% d'a popolazzione comblessive d'a Russie. 'U salarie medie jndr'ô 2003 jève de 6.179 ruble (cirche 176 euro).

Accumenzanne d'a soje funnazione 'a cetate ha vissute forte condraste sociale, situaziune ca ète devendate sembpre cchiù grave nnande ad 'a Perestroika. Scurisciúte e fèmmene viècchije ca vennene quidde ca honne purtate da lle cambagne sonde ôsce a die 'na immaggene frequende. Cirche 'u 25% d'a popolazzione jàvite jndre "Kommunalka" (коммуналка), appartamènde condivise, jndre cui vagne, wc e cucine sonde ausate da cchiù famigghie, retagge d'u viècchije regime comuniste e conseguenze de ll'elevate scurisciutáte de 'na granna vanne d'a popolazzione ('nu fatijature pigghie n'medie 500 euro menzile, 'nu 'nzegnande universitarije sule 150).

Ète possibbele ccu immigre a San Pitreburghe sule ce se pòte ccu demostre ccu tène 'na javitaziune e 'na fatije o sule ce se ète spusate ccu 'nu javitànde d'a cetate stesse. Quiste pòte ccu fàce penzà ca probabbelmènde assaje crestiáne non ge sijane reggestrate legalmènde (e accussì mmanghe 'ngluse jndr'à lle date d'u cenzimènde). Seconne 'na stime d'u 2000 de ll'Organizzazione 'Ndernazionale d'a Fatije se iacchiene cirche 16.000 uagnùne ca jàvitane sus a lle stradère.

Ufficialmènde 'a cetate ète jàvitate pe' l'89,1% da russe, l'1,9% ucraine, l'1,9% bielorusse, accussì cumme da 'nu numere sostanziale de tartare, caucaseche, uzbeche, finneche e azere. Cumme ète state già ditte, assaje ce penze ca pòtene ccu esse le immigrate illegale.

Pe' quanne arreguarde 'a releggione 'a maggior parte sonde russe ortodosse, mendre otre sonde atee o fedele de otre releggione; 'a comunetate ebraiche rappresende 'u 2,1% d'a popolazzione cettadine.

Sveluppe demografeche

Le seguende tavele fàcene vedè 'u numere de crestiáne d'a cetate de San Pitreburghe. Funnate jndre 'na vanne ca non g'ère javitàte 'u 27 másce 1703, le date precedende ad 'u 1944 sonde prengepalmènde stime, da 'u 1959 fine ad 'u 2002 sonde date d'u cenzimènde ufficiale, mendre quidde relative ad 'u 2005 sonde 'nu calcule statisteche.

 

 

 

 

'A cetate ète 'nu 'mbortande cendre pe' le costruziune meccaneche, 'ngluse equipaggiamènde elettreche, macchinarije, candieristeche navale, quagghiamènde de strumendisteche, metallurgije ferrose e non-ferrose (produziune de leghe de alluminie), chìmeche e stambe.

'A cetate ète 'nu 'mortande punde de comunecazziúne, acchiate jndr'ô Corridoie paneuropee numere IX.

Aerèe

'A cetate de San Pitreburghe jè servite da ll'Aeropuèrte de Pulkovo ca ospite vole 'nderne e 'ndernazionale ed ète pure 'a sede de une de lle prengepále combagnie aeree russe, 'a Rossiya Airlines.

Pe approfondimende, 'ndruche le vôsce Aeropuèrte de San Pitreburghe-Pulkovo e Rossiya Airlines.

'A cetate tène 'nu puèrte marine (jndr'ô Gurfe de Finlandie d'u Mar Baltiche) e 'nu puèrte fluviale (jndr'ô delte d'a Neva). Ète 'a vanne terminale d'a vije d'acque volgo-balteche ca culleghe 'u Baltiche ad 'u Mar Gnure.

Trene

'A cetate de San Pitreburghe ète 'u cindre d'u sisteme stradale e ferroviarie d'u luèche.

 

'A metropolitane d'a cetate ha accumenzate ccu funzione jndr'ô 1955 e ôsce a die jè comboste da 5 linee ccu 'na lunghezze comblessive de cirche 100 km.

Pe approfondimende, 'ndruche 'a vôsce Metropolitane de San Pitreburghe.

San Pitreburghe ète sede d'ô FC Zenit San Pietroburgo, suggetate de calce.

• Metropolitane de San Pitreburghe
• Oblast' de Leningrado
• Teatro Michajlovskij

• "San Pitreburghe, 'a capitale d'u nord" de Gesèppe D'Amato jndre Viaggie jndr'à ll'Hansa baltiche. L'Aunìone europèe e l'allarijamènde ad Est. Greco&Greco editori, Meláne, 2004. pp. 27-46. ISBN 88-7980-355-7.

•   Uicchimedie Commons tène files multimediale sus San Pitreburghe

• San Pitreburghe sus a Open Directory Project (Segnala sus a DMoz 'nu collegamende ca cendre cu l'argomende "San Pitreburghe")
• (EN, RU) San Pitreburghe (inne ufficiale)
• (RU) Inne ufficile d'a cetate (jndr'ô furmate mid)
• (EN, RU) 'Ngeclopedije on-line sus 'a cetate
• (EN) Schede UNESCO