Uran (simbol: ) é le setim planët dl Sistem solar en cunt dla destanza dal Sorëdl, le terzo en cunt dl diameter y le cuarto en cunt dla massa.
Articul por Ladin Val Badia |
So simbol astronomich é U+26E2 y so inom vá zoruch ala divinité dl cil Uran (Οὐρανός tl grech antich) tla mitologia greca, le pere de Chronos (Saturn) che ê pere de Zeus (Iupiter).
Uran é da odëi ince zënza telescop, mo al ne é nia gnü araté n planët cina al XVIII seco, canche William Herschel l’á descurí sciöche planët ai 13 de merz dl 1781. La composiziun chimica de Uran é por la maiú pert sciöche chëra de Netun, che vëgn araté so planët jomelin y é metüda adöm da idrogen, elio y tröpa dlacia cun ega, amoniaca, metan y idrocarburs. Ai dui planëc ti vëgnel ince dit “planëc dlaciá”. L’atmosfera de Uran é la plü frëida dl Sistem solar, cun na temperatöra che o ruvé cina a -224°C (49°K). La pert interna dl planët é metüda adöm dantadöt da dlacia y crëp.
Öna dles carateristiches plü de morvëia de Uran é l’orientamënt de süa assa de rotaziun, che é prësc paralela al plan dl’orbita impede che perpendicolara schiöche düs i atri planëc dl Sistem solar.
La sonda Voyager 2 ti é roada plü pormez a Uran ai 24 de jené dl 1986 a na destanza de ca. 81.500 km.
d:Q324
This article uses material from the Wikipedia Lingaz article Uran, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingaz (DUHOCTRUNGQUOC.VN) is an independent company and has no affiliation with Wiki Foundation.