San Petersburg (rus: Санкт-Петербург, pronunzià (scota su)), nce ladinisà coche San Piereburg, ie la segonda majera zità de la Ruscia do Moscau.
Articul per Ladin Gherdëina |
La ie sul ruf Neva tl golf de la Finlandia sul mer Baltich. Plu da giut ovela inuem Petrograd (1914–1924) y daldò Leningrad (1924–1991). N cont de populazion ie San Petersburg la cuarta majera zità de l'Europa y la majera sul mer Baltich cun ntëur a 5,4 milions de abitanc. La ie la zità plu a nord dl mond che à na populazion de plu de na milion de abitanc. L fova la zità mperiela de la Ruscia, n port cun na gran mpurtanza strategica y ie guverneda al didancuei coche na zità federela.
San Petersburg | |
---|---|
Санкт-Петербург | |
L Palaz da d'inviern | |
Bandiera | Blason |
Nfurmazions prinzipeles | |
Stat | Ruscia |
Raion federel | Nord-vest |
Soget federel | zità federela |
Fundazion | 27 mei 1703 |
Populazion | 5 384 342 ab. (1 jené 2021) |
Densità | 3 741,7 ab./km² |
Geografia | |
Coordinedes | 59°57'N, 30°19'E |
Autëza | 3 m sëura l livel dl mer |
Spersa | 1 439 km² |
Auter | |
Zona d'orar | UTC+3 (MSK) |
Codesc de la posta | 199406, 190000 |
Codesc OKTMO | 40000000 |
Plata internet | gov |
Cherta | |
La zità fova stata fundeda dal zar Piere l Grant ai 27 de mei dl 1703 sun l post ulache fova stata na fortificazion svedeja. N ti ova dat l'inuem aldo dl apostul San Piere. A San Petersburg fova nasciù l Mper Rus y la zità vën assozieda cun l scumenciamënt de la storia moderna de la Ruscia coche na putënza europea. L fova la capitela dl Zarat de la Ruscia y daldo dl Mper Rus dal 1713 al 1918. Do la revoluzion de Utober tl 1917 ova i Bolscevichs spustà la sënta dl guviern a Moscau.
A San Petersburg ti dijun suënz de vester la capitela culturela de la Ruscia y la ova giatà plu de 15 milions de turisć tl 2018. La ie n zënter mpurtant de l'economia, scienza, cultura y turism per la Ruscia y l'Europa.
Temperatures mesanes y prezipitazions per San Petersburg
Funtana: Roshydromet, wetterkontor.de |
This article uses material from the Wikipedia Lingaz article San Petersburg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingaz (DUHOCTRUNGQUOC.VN) is an independent company and has no affiliation with Wiki Foundation.