Caayr Pheddyr

Ta'n balley ny lhie ec inver Awin Neva er Lhoob Finnlynn er y Vooir Valtagh. V'ad Petrograd (Петроград, 1914–1924) as Leningrad (Ленинград, 1924–1991) ny h-enmyn elley va currit er y chaayr. Ta'n far-ennym Piter (Питер) currit urree dy mennick.

Caayr Pheddyr Санкт-Петербург (ru)
—  Caayr chonastagh  —
Lesh y chlag veih'n vaare: Moir-agglish Ysaig Noo, Doon Pheddyr as Phaayl, Kerrin y Phlaase lesh Colloo Alistair, Petergof, Nevsky Prospekt, as Plaase y Gheuree
Brattagh Armys
Soiaghey Chaayr Pheddyr er caslys-çheerey ny Roosh
Co-ordnaidyn: 59°57′N 30°19′E / 59.95°N 30.317°E / 59.95; 30.317
Çheer	Y Roosh
Slyst chonastagh	Heear Hwoaie
Slyst harmaynagh	Heear Hwoaie
Bunneeaght
- 27 Boaldyn, 1703	Bunnit
- 27 Boaldyn	Laa yn Chaayr Chonastagh
Reiltys
- Kiannoort	Georgy Poltavchenko (shallidagh)
- Quaiyl	Quaiyl Slattyssagh
Eaghtyr
- Yn clane	1,439 km² (555.6 mi ker)
Earroo yn phobble (2010)
- Yn clane	4,848,700
- Glooaght y phobble	3,369.49/km² (8,726.9/mi ker)
Cryss hraa	MSD (UTC+04:00)
Coad ISO 3166	RU-SPE
Recortyssey carbyd	78, 98, 178
Çhengaghyn oikoil	Rooshish
Ynnyd-eggey	gov.spb.ru

Va'n chaayr bunnit ec Tsar Peddyr I ny Roosh er 27 Boaldyn, 1703, as v'ee ny preeu-valley er Impiraght ny Roosh er feie ny smoo na daa chied dy vleeantyn (1713–1728, 1732–1918). Haink jerrey lesh y staydys preeu-valjagh ec Caayr Pheddyr 'sy vlein 1918 lurg Irree Magh ny Roosh. T'ee ny nah chaayr smoo 'sy Roosh lurg Moscow lesh 4.8 millioonyn dy chummaltee, as ny chiarroo caayr smoo 'syn Oarpey lurg Istanbul, Lunnin as Moscow. Ta Caayr Pheddyr ny h-ynnyd cultooragh Oarpagh scanshoil, myrane lesh purt scanshoil er y Vooir Valtagh.

Dy mennick, ta Caayr Pheddyr enmyssit myr y chaayr smoo Eearagh mastey caayryn ny Roosh. Mastey caayryn y theihll lesh ny smoo na un villioon dy chummaltee, ta Caayr Pheddyr coontit myr y chaayr smoo twoaieagh. Ta Çheshvean Shendeeagh Chaayr Pheddyr as Possanyn dy Lhiaghtyn Cooinaghtyn Mooinjeragh nyn Ynnyd Eiraght y Theihll jeh cooid UNESCO. Ta Thie Tashtee ny Bwaagaght, y thie tashtee ellyn smoo er y theihll, soit 'sy chaayr, Ta'n chaayr enmyssit y "Preeu-valley Twoaieagh" ny keayrtyn er son e staydys myr ynnyd cultooragh as politickagh ny Roosh er feie 200 bleeaney. Ta sleih elley harrish ny bleeantyn enmyssey yn chaayr myr "Veneesh y Twoaie" as myr "Palmyra y Twoaie". Ta shiartanse dy chonsyllaghtyn joarree, cochorpyn eddyr-ashoonagh, bancyn as reagheydyssyn dellal elley ry-gheddyn ayns Caayr Pheddyr.

 

 

She aarheynn chonastagh dy chooid ny Roosh ee Caayr Pheddyr. Ta'n seihll politickagh ayns Caayr Pheddyr reirit liorish y chaart chaayragh va doltit ec y çhionnal slattyssagh 'sy vlein 1998. She Lught-Reill Chaayr Pheddyr y corpane reiragh s'yrjey as t'ee reirit liorish y chiannoort (meoir roish 1996). Ta quaiyl un-hamyragh ec Caayr Pheddyr - Çhionnal Slattyssagh Chaayr Pheddyr.

Rere y slattys conastagh va doltit 'sy vlein 2004, ta fir hoshee er aarheynnyn conastagh, goaill stiagh kiannoort Chaayr Pheddyr, enmyssit ec Eaghtyrane ny Roosh as doltit liorish quaiylyn ynnydagh. My t'ad jiooldey yn enmysaght ta'n whaiyl currit ass bree. Va'n kiannoort roie, Valentina Matviyenko, doltit fo conaantyn y chorys noa ayns Mee ny Nollick 2006. Cha nel ben-chiannoort elley er feie ny Roosh.

Ta Caayr Pheddyr rheynnit ayns hoght slystyn jeig. She preeu-valley Wheiggey Leningrad ee Caayr Pheddyr chammah, myrane lesh preeu-valley Slyst Chonastagh Heear Hwoaie. Ren Cooyrt Bunraghtoil ny Roosh scughey gys Caayr Pheddyr veih Moscow ayns Mee Voaldyn 2008.

Ga dy vel Caayr Pheddyr as Queiggey Leningrad coontit myr daa aarheynn chonastagh, t'ad rheynn shiartanse dy rheynnyn dy yantyssyn as dy vingyn conastagh lheid as y Cooyrt Eddyr-Chiartaghey, ny poleenyn, yn FSB, y çhirveish phostagh, reirey jeeaney druggaghyn, y çhirveish phryssoonagh, a.r.e.

•  
  Agglish Haualtagh er Fuill Deayrtit (Храм Спаса на Крови)
•  
  Metro Chaayr Pheddyr (Stashoon Kirovsky Zavod)
•  
  Moir-agglish Kazan
•  
  Ammyr Griboyedov
•  
  Thie Tashtee ny Bwaagaght (Эрмитаж)
•  
  Giatyn Narva
•  
  Yn Ard-marraght
•  
  Doon Pheddyr as Phaayl
•  
  Moir-agglish Ysaig Noo
•  
  Er y traid - Nevsky Prospekt
•  
  Yn awin Neva riojit 'sy gheurey
•  
  Reayrt er Caayr Pheddyr veih Moir-agglish Ysaig Noo