عائیله
عایله (عائله، عاییله، عائیله) یا دا خانواده و یا ائو-اوجاق سؤزجۆکلرینی، آرالاریندا قوهوملوق موناسیبتی اوْلان اینسانلار اۆچۆن ایشلدیلیر.
عائیله
بیر عائیله سوسیولوژیا (جامعه) باخیمیندان ائولنمک یا دا قوهوملوق خطی ایله گلن بیر حیات بیرلیگی‌دیر. عائیله سؤزو، غربی میللتلرده اکثریتله آنا-آتا و اوشاقلار آنلاییشینی وئریر. شرق خالقلاریندا عائیله داها چوْخ عئینی ائوده یاشایان یا دا عئینی نسیلدن گلن اینسانلارین جمعینه دئییلیر. بیولوژیده عائیله سؤزو بیر بیرلرینه قوهوملوق درجه‌سی باخیمیندان بیر قروپدا بیرلشن حئیوانلار یا دا نباتات اۆچون ایشلدیلیر.
سؤزون منشأی
عائله سؤزونون اصلی عربجه‌دن گلن عائله سؤزون‌دن گلیر. بۇ سؤز عربجه‌ده دایانماق معناسیندا اوْلان عول کؤکون‌دن گئلیر. بیر بیرلرینه دایانان، اعتیماد ائدن اینسانلار اۆچون ایشلدیلیر. عائله سؤزو مشترک خصوصیتلری اوْلان علمی، تئکنیکی و سوسیال قروپلار اۆچون ده ایشلدیلیر. مثال اۆچون بیر ایستحصالچینین بیر محصول خطین‌دکی محصوللارا او ایستحصالچینین محصول عایله‌سی ده دئییله بیلر. تۆرکجه‌ده ائو-اوْجاق ایکی بؤلۆمدن اوْلۇشۇب فارسجایا اجاق دۇرۇمۇندا و اوْرتا آسیادا اوْت باشی ٫ اوْجاق کیمی دۇرۇموندا ایشلنیبدیر. ائو سؤزجۆگۆ عائیله اۆچۆن ایشلنیبدیر. اؤرنک اۆچۆن ائولنمک ائیلمینی چکمک اوْلار.
عائله‌نین وظیفه‌لری
عائله‌نین بیولوژیا و سوسیولوژیا علملری باره‌سینده چوْخ مهم وظیفه‌لری واردیر: «اینسان» نؤوعون اؤزونو یئنیدن حاصیل ائتمه‌سی اۆچون عائله موسیسه‌سینه احتیاجینین اولماسی ایختیلافلی‌دیر. آنجاق بیر عائیله‌نین تشکول اولماسی اۆچون بیولوژیا باخیمیندان قادینین محصولدارلیغی و کیشی‌نین دؤللنمه گوجونون اولماسی لازیمدیر. ائولی بیر قادین-کیشی جوتونون اوشاقلاری اولمایاندا اجنبی بیر اوشاغینی اؤولادلیغا گؤتورمه‌سی بونون ایستیثناسی‌دیر. عائله‌نین خصوصیتلری نئچه نسیللرین بیر یئرده یاشادیغینا گؤره ده فرقلنیر. اونا گؤره چوْخ نسیللی ائو حیاتی یا چوْخ نسیللی عایله‌دن سؤز گئدیر. اؤزونو یئنیدن حاصیل ائتمک، نسیللرین حیات وئره‌رک ساخلانماسی وظیفه‌سی اۆچوندور. بۇ باره‌ده عائله‌نین باغلاری بیر جمعیتی‌نین ساخلانماسی و چوْخالماسی اۆچون چوْخ مهمدور. مۆعاصیر جمعیتلرده عائله‌نین سیاسی، دینی، ایقتیصادی و تعلیم له علاقه‌لی وظیفه‌لر قیسمن باشقا ایجتیماعی موسیسه‌لره (دؤولت حاکمیتلری، سیغورتا موسیسه‌لری، تحصیل موسیسه‌لری، ایدمان جمعیتلری کیمی) آپاریلار و عائله‌نین گوندلیگینده اهمیتینی ایتیرر.
ترمینولوژیا
اینسانلاردا گؤرولن موختلیف عائله شکیللری واردیر. بونلاردان آتانین سؤزونون کئچدیگی عائله‌لره آتاشاه عیله، آنانین سؤزونون کئچدیگی عائله‌لره ده آنا شاه عایله دئیی‌لر.
آیریجا باخ
ائشیک باغلانتی‌سی
قایناقلار
This article uses material from the Wikipedia تۆرکجه article عائیله, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.