Yale Sukuli Kɩtɛzʊʊ
Yale sukuli kɩtɛzʊʊ (Ɛnglɩsɩ kʊnʊŋ taa lɛ, Yale University) pɩkɛ Amerika mɛwɛ mantɩyɔɔ sukuli kɩtɛzʊʊ ŋgʊ kɩwɛ New Haven yɔ Connecticut taa.
Patʊlɩ-kʊ pɩnaɣ 1701 Saybrook tɛtʊ taa se pɩsa nɛ pɛkpɛlɛkɩ camɩyɛ ɛyaa mba pacaɣ pɩsɩɣ fada naa yɔ. Yale sukuli kɩtɛzʊʊ ŋgʊ ŋgʊ kɛna sukuli ŋgʊ kɩkɩlɩ pɩnʊʊ Etaazuunii ɛjaɖɛ taa.
Cɔɔcɩ sukuli kiɖe tɛ lɛ kɩɩwɛ New Haven pɩnaɣ 1716 nɛ pʊwayɩ paɖanɩ-kʊ yaʊʊ se Yale kɔlɛɛzɩ pɩlɩna kʊjɔʊ sɔsɔʊ nakʊyʊ yɔɔ kɩlɩna Britaniiki tɛtʊ taa komina nɔɔ ɖɛyʊ weyi ɛñɔnaɣ Ɛndɩ wɩsɩ ɖɩlɩyɛ taa tʊma yɔɔ yɔ ɛnʊ yɔ Elihu Yale. Sukuli ŋgʊ lɛ kʊ-tʊma keekee kaakɛ Ɛsɔ wɩlʊʊ, nɛ Ɛsɔ tɔm kʊnʊmɩŋ kpɛlɛkʊʊ. Yale sukuli ñɔʊʊ yɔ pɩlɩna Act for Liberty to Erect a Collegiate School paɣtʊ yɔɔ kɛnɛ (paɣtʊ ndʊ lɛ se papɩzɩ nɛ patʊlɩ katoliki cejewiye sukuli), kɛlɛ Connecticut tɔm hʊyaa kpaŋ tɩsɩ tɩ-yɔɔ aloma fenaɣ kɩyakʊ 9 pɩnaɣ 1701 nɛ palɩmaɣzɩyɛ kpeekpe lɛ se papɩzɩɣ nɛ pɛkpɛlɛkɩ ɛyaa mba paapɩzɩ nɛ pɛkɛ Connecticut tɛtʊ ɖɔkɩyaa yɔ.
Piteleɖi ɖɔɖɔ lɛ Ɛsɔ Tɔm ɛyaa naanʊwa nabɛyɛ mba yɔ Andrew, Thomas Buckingham, Israël Chauncy, Samuel Mather, James Noyes, James Pierpont, Abraham Pierson, Noadiah Russel, Joseph Webb nɛ Timothy Woodbridge, patɩŋɛ payɩ mbʊ paakɛ Harvard sukuli pɩyaa, pekpeɣli ɖama nɛ palakɩ tʊmɩyɛ Samuel Russel tɔm yɔɔ kɛ Branfort Connecticut tɛtʊ taa, se pɩsa nɛ pɛkpɛndɩ lɩmaɣza kʊyʊma nɛ takayasɩ kʊyʊmasɩ nɛ paawɛna takayasɩ kɩkalasɩ kuduyuu kʊyʊmʊ.
This article uses material from the Wikipedia Kabɩyɛ article Yale sukuli kɩtɛzʊʊ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.