Ṭawes Ɛemruc
Mari-Lwiz ṭawes ɛemruc d tamyarut tamezwarut gar tlawin tizzayriyin daɣen d tacennayt, tecna s taqbaylit.
Tawes d yelli-s n Belqasem akk d Faḍma At Menṣur taddart-is d Iɣil Ɛli (Bgayet).
 Ṭawes Ɛemruc | |
|---|---|
| Tameddurt | |
| Talalit | Tunes tamaneɣt, 4 Meɣres 1913 |
| Taɣlent | Fransa |
| Lmut | Saint-Michel-l'Observatoire, 2 Yebrir 1976 |
| Ideg n uẓekka | Saint-Michel-l'Observatoire |
| Tawacult | |
| Tissulya akked | André Bourdil (fr)  |
| Tiɣri | |
| Tutlayin | Tafransist Taqbaylit |
| Amahil | |
| Amahil | amaru, acennay, aneggal, amusiqi d amedyaz |
| Dduzan n lmusiqa | taɣect |
| IMDb | nm1858508 |
Gar imyura n zik llan atas n yirgazen maca tilawin am wakken ulac; tella yiwet kan : Faḍma At Menṣur, yemma-s n tawes Marie Louise akked Jean-lmuhub Ɛemruc. Faḍma At Menṣur Ɛemruc d tamettut tamezwarut i d-yuran tudert-is, i d-yennan tarmit-is, ayen tbub d wayen tengez seg wass mi i tlul di Tizi Hibel deg useggas 1883 almi d aseggas 1967 ass mi temmut deg Fransa. Imi baba-s yennker-itt, tudert-is tebda s unegzum ameqqran, tudert n yiberdan d lehmum. Bac akken ur tt-iḥeqqeṛ yiwen, yemma-s tceyyeɛ-itt ɣer ixxamen n igujilen (orphelinats) ɣur yiṛumiyen, ar Yiwaḍiyen dɣa ar Larbɛa n at Yiraten uqbel sbiṭar n At Mengelet anida i telmed tafransist terna tessuden taflest n Mas nneɣ Ɛisa. Dina yakan i tezwej d Belqasem amruc id tt-yewwin ɣer taddart-is, Iɣil Ɛli, uqbel tamurt n Tunes.
Tudert-is akk d umennuɣ, deg tazwara d amennuɣ n tgujilt mgal tasɣart-is tamcumt, zdat umennuɣ n Teqbaylit deg tallit n tesehrest akk d umennuɣ n tmasit di tmurt n yimselmen…Tufa ddwa i tudert deg tira akked yisefra s Teqbaylit maca tella yiwet n tɣawsa ur tt-teǧǧi ara : taqbaylit-is.
Gar wayen tura
- Jacinthe noire ungal 1947.
- Rues des tambourins, ungal 1969.
- L'amant imaginaire, ungal f imanis 1975.
- Le grain magique, timucuha d poemes 1966.
Tiwelhiwin
This article uses material from the Wikipedia Taqbaylit article Ṭawes Ɛemruc, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taqbaylit (DUHOCTRUNGQUOC.VN) is an independent company and has no affiliation with Wiki Foundation.