Amtiweg Tatrit: Amtiweg anamur, yezga-d deg unagraw anafuk

Timzzit-is ɣef tfukt ur telli ara d tallusant s timmad, iga d amtiweg akalan am uziweɣ d mezweɣ yerna yettemcabi i tegnit deg ubleɣ d tsuddest. Deg Tlatint yettwasemma s «Venis» i wassaɣ ɣer yellu n tiẓilt (ccebaḥa), ma d Imaziɣen ssemman-as «Tatrit» acku d netta yakk i d-ittbanayen s yettfejjij ugar n yimtiwgen d yitran niden deg yiṭ (deg wakud n tefrara d wednunnes kan), dɣa isem-a tettwanefk-as s usrag n waffaw meqqren i d-ittawi seg umuli n tsemekta meqaren seg tafat n tfukt s usrag tineẓẓi meqqren n tegnut-is.

Tatrit
Annay
Amaccaq ɣer tegnit	261 000 000 km, 38 000 000 km d 108 000 000 km
Azal amaskad	−4,8
Itezzi ɣef	Iṭij
Yettusemma ɣef	Vinus
Timezzit
Aceffalu	0,7282312 AU 108 942 109 km
Afafuk	0,7184327 AU 107 476 259 km
Agellus azen-gejdan n tmezzit	108 208 930 km 0,723332 AU
Annfal amezzay	0,00677672
Tallit tamezzayt	224,7 ass d 19 414 148 tasint
Tallit tanmugrit	583,92 ass
Aẓalay anemmas	50,115 °
Annuz amezzay	3,39467605 ° 3,39471 ° 2,19 °
Addud n tyersi tamalayt	76,67984255 °
Afakul n ufafuk	131,60246718 °
Tasengama
Aqqaṛ	6 051,8 km
Akdu	12 103,6 km
Tigni	0
Tajumma	460 230 000 km²
Ableɣ	928 430 000 000 km³
Takura	4 867,5 Yg
Taneẓẓi	5,243 g/cm³
Taẓɣelt tasemdayt	464 °C
Asafet (Albidu)	0,689 0,59

D tatrit i yudsen ɣer tafukt wala tagnit anda ig tezzi deg tmezzit-is yaggugen ɣef tfukt s wazal n 108 n imelyan n ikilumitren, deg wakud anda tagnit tettezzi deg tmezzit-is i d-izgan s azɣar (beṛṛa) n tmezzit n tetrit ɣef waggug yegdan 150 n imelyan n ikilumitren ɣef tfukt. Ɣef wannecta i yettwaskad deg tamiwin anda tettili tfukt kan, ayen i d-immalen d akken amdan deg tegnit yezmer ad iwali tatrit send n walluy n tfukt d uɣelluy-is s kra kan n termilin (n teswiɛin), mi ara ad iflali deg termilin-nni yettili d netta yakk i d tafekka taseflalayt s waṭas deg igenni. Ansa-ines ayi ila taskant i d-t-iǧǧan d yiwen seg sin n imtiwgen (yakk d uziweɣ) tettasnes fell-asen tumant n tukkit mi ara ad zrin gr n tfukt d tegnit, Tukkit n tatrit tettwaẓra deg useggas n 2012 ma d azray i d-tizwaren yella deg useggas n 2004.

Deg wakal n tetrit llan idurar n yimɣuzen yeddlen s wegris n ulddun ifessin yakk yettrugun mi ara ad tali teẓɣelt. Tamuski n tjumma n tetrit tella asentel n ugezzen usnan, ugar ma ad tili d asentel n tezrawt tamaglayt alammi d taggara n tsut tis 20 ass mi issawṭen imusnawen ad ssunɣen tagertilt i tjumma-ines seld mi yuznen tanawt n Magellan i d-yefkan tiwlafin n tjumma-ines gar n useggas n 1990 d 1991.

Tatrit d yiwen seg 4 n yimtiwgen inamuren, ayen i d-t-iǧǧan ad yemcabi ɣer tegnit ama deg tsuddest-is taneẓṛut, takura-ines yakk d ubleɣ-is ɣef wanecta i yettwasemmay s wakniw n tegnit. Aqqaṛ n tetrit d win yellan s ddaw n waqqaṛ n tegnit s 650 km kan, Ma d takura-ines tegda 81.5% seg takura n tegnit. Maca tifadiwin deg sufell n tetrit d tid yemgaraden s waṭas ɣef tfadiwin deg tegnit s usran n tegnut tagennawt taneẓẓawt igebren s talɣa tagejdant seg uksiden ikaṛbunen. Ma d aferdis wis sin deg tsuddest n tignut-is iga d anitrujin s ufimidi n 3.5% kan.

Tasuddest tagensawt

Ar tura ulac isalan usriden ɣef tsuddest tagensawt neɣ ɣef tkura n tegnit war isefka isuddimen seg tsenzenzelt neɣ seg yimir n tagant. S umata, Amcabi deg ubleɣ d tneẓẓi gar n tegnit d tetrit ittqellid-d tiẓri n wemcabi deg tsuddest tagensawt (aɣyay n umtiweg, azennar inegni d teclemt am tin n tegnit

Tarakalt

 

Azal n 80% n tjumma n tetrit tga d izaɣaren ineẓrumsen ileggaɣen. Isafen d yidurar d tikucin timackaṭin d wid yettilin s waṭas deg yimtiwgen inakalen am tetrit, dɣa amur ameqqran n yigmiren ijummanen n tetrit ttwasemman s yismawen n tullas ama d timazrayin neɣ d tumyiyin