Taswast tineslemt d taswast tanayyurt yeggunin ɣef tuzzya n wayyur i tukza n wayyuren.
Aseggas ineslem deg-s 12 n wayyuren yal ayyur deg-s 29 neɣ 30 n wussan i wakken ad gen 354 neɣ 355 n wussan i wseggas. Taswast-a ssemrasen-tt yinselmen aladɣa deg tukza n Ṛemdan d umud ameẓyan d umeqran d lḥeǧǧ d usellek n Zakat.
Llan 12 n wayyuren deg teswast tineslemt. Gar-asen 4 n wayyuren d uɣṛisen gan d: Raǧeb, Du Lqiɛda, Du Lḥiǧǧa d Muḥaṛṛam
Ayyuren-a ttwassnen s yismawen-nsen iserɣinen (aɛraben) akken i d-ten-yufa Muḥamed ass mi i d-yettwazen. Maca llan ttwassnen s yismawen yemgaraden ɣer iseɣinen g tzunegzirt taserɣint send ma ad msegrawen (ad nnejmaɛen) i wakken ad sdukklen ismawen-a send n tuzna n umazun Muḥamed s tsut d wezgen, Yirna ass mi yenfufed usɣan ineslem ɣer iɣerfan niden am imaziɣen fkan-asen ismawen niden amedya ayyur n Du Lqiɛda ɣer Yimẓabiyen isem-is (Jar n leɛyud).
Uṭṭun | Isem | Ɣer imaziɣen d Imuhaɣ | Aẓaṛ n yisem |
---|---|---|---|
1 | Muḥaṛṛam | Sbiba ⵙⴱⵉⴱⴰ | |
2 | Ṣafer | Tallit iseṭṭfet ⵜⴰⵍⵍⵉⵜ ⵉⵙⵟⵟⴼⵜ | |
3 | Rabiɛ El-Awal | Irget ⵉⵔⴳⵜ | |
4 | Rabiɛ Tani | Awzim amezwaru ⴰⵡⵣⵉⵎ ⴰⵎⵣⵡⴰⵔⵓ | |
5 | Ǧumada El-Ula | Iken yezwaren ⵉⴽⵏ ⵢⵣⵡⴰⵔⵏ | |
6 | Ǧumada Tani | Iken wis sin ⵉⴽⵏ ⵡⵉⵙⵙⵉⵏ | |
7 | Raǧeb | Timselmin ⵜⵉⵎⵙⵍⵎⵉⵏ | |
8 | Ceɛban | Amzizel ⴰⵎⵣⵉⵣⵍ | |
9 | Ṛemdan | Uẓum ⵓⵥⵓⵎ | |
10 | Cewwal | Tissi ⵜⵉⵙⵙⵉ | |
11 | Du Lqiɛda | Ger yemmuzden ⴶⵔ ⵢⵎⵎⵂⴸⵏ | |
12 | Du Lḥiǧǧa | Tafaski ⵜⵊⴰⵙⴾⵉ |
Taswast tineslemt tegber seg 12 n wayyuren inayyuren ayen yennumken d akken aseggas ineslem yegda 354 n wussan (354,367056 n wussan)
Deg useggas n 412 send n tuzna tameznawt s 150 n iseggasen deg Mekka, iserɣinen xedmen-d amsegrew igebren iselwayen n yidrumen d wid i d-iḥuǧǧen deg useggas-nni i wakken ad mtawan ɣef yismawen ara ad sxedmen yakk iserɣinen deg tzunegzirt taserɣint
This article uses material from the Wikipedia Taqbaylit article Taswast tineslemt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taqbaylit (DUHOCTRUNGQUOC.VN) is an independent company and has no affiliation with Wiki Foundation.