Qallı Ayımbetov(1908-09.04.1973) ataqlı aǵartıwshı, jámiyetlik ǵayratker, filologiya ilimleri doktorı, professor, dilmash, qaraqalpaq folkloristikasınıń tiykarın salıwshılarınıń biri.
[[Fayl:|280px|súwret]] | |
Tuwılǵan sánesi | 20-mart 1908 |
---|---|
Qaytıs bolǵan sánesi | 9-aprel 1973 (65 jasta) |
Qallı Ayımbetov-1908-jılı [1] Ámiwdárya wálayatı Shımbay uezdiniń Jalpaq shek awılında (házirgi Shımbay rayonınıń Baxıtlı APJ) ápiwayı diyqan shańaraǵında dúnyaǵa kelgen. Alım bes jasqa tolǵanda 1913-jılı ákesi dúnyadan ótedi. Ákesiniń óliminen keyin, awıl aqsaqalları oylasıp anasın kúyewiniń aǵası Óteniyazǵa nekesin qıyadı. 1923-jılı anası qaytıs bolıp, Q.Ayımbetov pútkilley Óteniyaz aǵasınıń qolında tárbiyalanadı. Onıń jaslıq dáwiri alaǵat zamanlarǵa, "Márdikar jılı", "Aq qapshıq" jıllarına tuwra keledi, sonlıqtan bolajaq alım jaslayınan kóp qıyınshılıqlardı basınan keshirgen. Ol balalıǵınan júdá qızıǵıwshań, qatıqulaq bolıp ósedi. Ol áwele Shımbaydaǵı mektep internatta, sońınan 1929-jılı Tórtkúl ped.texnikumında, al 1930-1933-jıllarda Qazaqstannıń Alma-ata qalasındaǵı pedagogika institutında (házirgi Abay atındaǵı Qazaq Milliy pedagogika universtiteti) oqıp tálim aladı. Ol KazPide akademik Evgeniy Viktorivich Tarle, Saken Seyfulin, Sanjar Japbar ulı Aspandiyarov, Muxtar Áwezov uqsaǵan jetekshi alımlardan sabaq aladı.
Ayımbetov 1926-jılı N.A.Baskakov, 1929-jılı A.L.Melkov, 1933-jılı А.А.Sokolov, 1939-jılı S.G.Malovlar basshılıq etken rus ilimiy ekspediciyalarında qatnasıp, qaraqalpaq xalqınıń tariyxı, etnografiyası hám ádebiyatı tuwralı bahalı maǵliwmatlar jıynaǵan. 1929-jılı Tórtkúlde oqıp júrgeninde Tórtkúl qalasınan ashılǵan Qaraqalpaqstan tariyxı hám Úlke tanıw muzeyi másláhátshisi, al 1930-jılı muzey baslıǵı lawazımında islegen.
Ákesi:
Anası:
Balaları:
Ózbekstan Ilimler Akademiyası Qaraqalpaqstan bólimi baslıǵı
Ilim kandidatı
This article uses material from the Wikipedia Qaraqalpaqsha article Qallı Ayımbetov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.