Qaraqalpaq xalıq qosıqlarının' belgili bir bo'limin miynetke baylanıslı qosıqlar quraydı.
Bul qosıqlardı miynet quralları, miynettin' tu'rin, egin egiw, jer su'riw, jer suwg'arıw, oraq orıw, qos aydaw, mal bag'ıw, arba aydaw h.t.b. haqqında so'z etiledi. Miynetke baylanıslı qosıqlarda miynettin' tu'rin so'z etiw menen olarg'a ıshqı sezimleride aralastırıladı. Bul qosıqlar tek qurı miynet haqqında bolıp o'mirinin' basqa ta'shwishleri aralastırılmag'anda bul qosıqlardın' qızıg'ı da bolmag'an bolar edi. Muxabbat sezimleri ha'mmenin' dıqqatın o'zine awdaratug'ın otlı sezimler. Sonlıqtan miynetti so'z etiw menen birge muxabbat tuyg'ıları menen baylanıstırılıp keledi. Bunday qosıqlarg'a xalıqqa ken'nen tanılg'an mına qatarlardı keltiriwge boladı:
Arba aydasam altaqtag'a minemen,
Bir pul tapsam belbewime tu'yermen,
Arqası Dawqara qublası Shıg'ıs,
Eki ortada qos aydadım bir tınbay...
Ju'weri ektim kendir menen aralas,
Bir yar tuttım orta boylı qa'lem qas,
Jurt aytadı onın' yarı qara dep
Qara bolsa ha'm hinji marjan aralas.
This article uses material from the Wikipedia Qaraqalpaqsha article Miynetke baylanıslı qosıqlar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.