22-Sentyabr
Búgin dúnyajúzlik avtotransporttan paydalanbaw kúni.
| ← Sentyabr → | ||||||
| Dú | Si | Sá | Pi | Ju | She | Ek |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
| 2024-jıl | ||||||
Bul kúndi ótkeriw baslaması 1998-jılı Franciyada ámelge asırıldı. Franciyanıń 20ǵa jaqın qalalarında sol kúni avtotransporttan paydalanıw ámelge asırılmadı. Adamlar jayaw hám velosipedte júrdi. Keyin ala bul kúndi belgilew dúnyajúzlik kólemde belgilene basladı.
22-sentyabr Mali Respublikasınıń Ǵárezsizlik bayramı. Esletip ótemiz bul eldiń paytaxtı Bamako qalası. Mámleketlik tili fransuz tili.
Sonday-aq búgin Bolgariya Respublikasınıń milliy bayramı Ǵárezsizlik kúni keń túrde bayramlanbaqta. Sonı atap ótiw orınlı, Bolgariya Evropanıń qubla-shıǵıs aymaǵında, Balkan yarım atawlarında jaylasqan mámleket.
22-sentyabr dúnyajúzlik pillerdi qorǵaw kúni. Bul kúndi belgilew baslaması ekologlar tárepinen ámelge asırılǵan. Maǵlıwmat ornında sonı atap ótiw orınlı, búgingi kúde Afrikadaǵı pillerdiń sanı 500.000 ǵa shamalas bolsa, al Aziya ellerinde 30.000 ǵa shamalas. Bul kórsetkish jıldan jılǵa tómenlep barmaqta. Hátte bir neshe jıllardan keyin pillerdiń joq bolıp ketiw qáwpi de bar. Oǵan baslı sebep, brakonerler pillerdiń súyegin alıw ushın olardı nabıt qılmaqta. Mine sonlıqtan pillerge biyparq bolmaǵan tábiyat janashırları 22-sentyabr sánesin dúnyajúzlik pillerdi qorǵaw kúni retinde belgilemekte.
Búgin Amerika Qurama Shtatında Isbilermen hayal-qızlar kúni bayramlanbaqta. Bul kún 1990-jıldan baslap hár jılı 22-sentyabrde belgilenedi.
22-senyabr Ukraynada Mashinasazlıq yamasa Injenerler kúni. Bul kúndi belgilew haqqında qarar 1993-jılı qabıl etilgen. Bul kún injenerlerdiń kásiplik bayramı retinde keń túrde belgilenedi.
XOSH 22-SENTYABR SÁNESINDE DÚNYAǴA BELGILI KIMLERDIŃ TUWÍLǴAN KÚNI?!
Búgin Ózbekstan xalıq artisti, Эlyor Nasırovtıń tuwılǵan kúni. Ol 1953-jılı 22-sentyabrde Tashkent qalasında tuwılǵan.
Búgin amerikalı xirurg, fiziologiya hám medicina boyınsha Nobel sıylıǵınıń laureatı Charlz Brenton XAGGINS dúnyaǵa kelgen kún.
Búgin dúnyaǵa belgili fizik Maykl Faradeydiń tuwılǵan kúni. Ol elektromagnit indukciyasın ashqan alım retinde tariyx betlerinen orın aldı.
1939-jılı dúnyada birinshi ret Эverestke shıqqan yaponiyalı alpinist hayal Tabei Dzyunkonıń tuwılǵan kúni.
1976-jılı 22-senyabrde braziliyalı futbolshı Ronaldo dúnyaǵa keldi.
This article uses material from the Wikipedia Qaraqalpaqsha article 22-sentyabr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.