ჟან-ბატისტ კარპო

11 მაისი, 1827, ვალანსიენი — გ. 11/12 ოქტომბერი, 1875, კურბევუა) — ფრანგი მოქანდაკე, ფერმწერი და გრაფიკოსი. 1844 წლიდან სწავლობდა ფ. რიუდის სახელოსნოში, 1848 წლიდან — ნატიფი ხელოვნების სკოლაში, პარიზში ფ. დიურეს ხელმძღვანელობით. სახელი გაითქვა ტრაგიკული სულით გამსჭვალული სკულპტურული ჯგუფით – „უგოლინო და მისი შვილები“ (ბრინჯაო, 1857–1860, ლუვრი, პარიზი), დეკორატიულ-საზეიმო ჰორელიეფებით „ფლორას ტრიუმფი“ (თაბაშირი, 1863–1866, ფლორას პავილიონის ფასადი, ტიუილრის პარკი, პარიზი), აგრეთვე სკულპტურული ჯგუფით „ქვეყნის ოთხი მხარე“ (ბრინჯაო, 1867–1872, შადრევანი ობსერვატუარის მოედანზე, პარიზი). კარპოს ნამუშევრებს ახასიათებს ფორმების დინამიკურობა, ფიგურების გრაციულობა, რამდენადმე სალონური მანერულობა. ამას გარდა, მრავალი პორტრეტული ბიუსტის ავტორიცაა.

ჟან-ბატისტ კარპო
დაიბადა	11 მაისი, 1827(1827-05-11)[1] [2] [4] [5] [6] [8] [9] [10] [11] [12]
დაბადების ადგილი	ვალანსიენი[13]
გარდაიცვალა	12 ოქტომბერი, 1875(1875-10-12)[1] [12] (48 წლის)
გარდაცვალების ადგილი	კურბევუა[13]
ჟანრი	პორტრეტი[14]

• ჟან-ბატისტ კარპო — სტატია დიდი რუსული ენციკლოპედიიდან (რუსული)
• ჟან-ბატისტ კარპო — სტატია ენციკლოპედია ბრიტანიკიდან (ინგლისური)