მაკრატელას ქედი
მაკრატელას ქედი — ქედი აღმოსავლეთ საქართველოში (თუშეთი).
შეადგენს კავკასიონის მთავარი ქედის ნაწილს. წარმოადგენს პირიქითა ალაზნისა და თუშეთის ალაზნის წყალგამყოფს. მაკრატელას ქედი გამოეყოფა აწუნთის ქედს აღმოსავლეთით, მწვერვალებს ამუგოსა და დიდ ბორბალოს შორის. მასზე აღმართულია მწვერვალები: სამვრონი (3482 მ), წიო (3380 მ), ცივი (3362 მ) და მაკრატელა (3106 მ). აგებულია იურული ფიქლებით.
| მაკრატელას ქედი | |
|---|---|
.jpg) მაკრატელას ქედის ხედი სოფელ ვესტომთის მიდამოებიდან | |
| კოორდინატები: 42°27′35″ ჩ. გ. 45°29′36″ ა. გ. / 42.459944° ჩ. გ. 45.493361° ა. გ. | |
| ქვეყანა |  საქართველო |
| ტერიტორიული ერთეული | ახმეტის მუნიციპალიტეტი |
| უმაღლესი წერტილი | სამვრონი |
| სიმაღლე | 3482 მ |
| ამგებელი ქანები | ფიქალი |
  | |
 | |
 სურათები ვიკისაწყობში | |
აქვს სამხრეთ-აღმოსავლური მიმართულება და მთავრდება ომალოს პლატოთი. მაკრატელას ქედის თანამედროვე გამყინვარება უმნიშვნელო სიმძლავრით ხასიათდება და სამვრონისმთის მასივის ჩრდილო კალთებთან არის დაკავშირებული. მეოთხეულ პერიოდში ქედზე წარმოდგენილი იყო ხეობის ტიპის მყინვარები, რომელთა სიგრძე 5-6 კმ-ს აღწევდა, მათი ქვედა ბოლოები 2400-2500 მ აბსოლუტურ სიმაღლეზე მდებრეობდნენ.
ქედის სამხრეთ-აღმოსავლური მონაკვეთი ფოთლოვანი ტყითაა შემოსილი, ხოლო დანარჩენ ნაწილში დამახასიათებელია ალპური მდელოს ლანდშაფტი.
იხილეთ აგრეთვე
ლიტერატურა
- მარუაშვილი ლ., საქართველოს ფიზიკური გეოგრაფია, თბ., 1964.
This article uses material from the Wikipedia ქართული article მაკრატელას ქედი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.