გრაფი ალესანდრო ვოლტა (იტალ.
18 თებერვალი, 1745 — გ. 5 მარტი, 1827) — იტალიელი ფიზიკოსი და ქიმიკოსი, რომელსაც მიაწერენ პირველი ელექტრული ფიჭის (ბატარეის პროტოტიპი) შექმნას.
ალესანდრო ვოლტა | |
---|---|
დაბ. თარიღი | 18 თებერვალი, 1745[1] [2] [3] [4] [5] [7] [8] [9] [10] [11] |
დაბ. ადგილი | კომო, მილანის საჰერცოგო, ჰაბსბურგთა მონარქია[12] [9] |
გარდ. თარიღი | 5 მარტი, 1827[1] [3] [4] [5] [7] [8] [10] [11] [9] (82 წლის) |
გარდ. ადგილი | კომო, ლომბარდო-ვენეციის სამეფო, ავსტრიის იმპერია[12] [9] |
დასაფლავებულია | tomb of Alessandro Volta |
მოქალაქეობა | მილანის საჰერცოგო Cisalpine Republic Kingdom of Italy ლომბარდო-ვენეციის სამეფო |
საქმიანობა | ფიზიკოსი, გამომგონებელი, სამეცნიერო მუშაკი და ქიმიკოსი |
მუშაობის ადგილი | პავიის უნივერსიტეტი |
მეუღლე | Teresa Peregrini |
შვილ(ებ)ი | Zanino Volta |
ჯილდოები | საპატიო ლეგიონის ორდენის კავალერი, სამეფო საზოგადოების წევრი, კოპლის მედალი[13] [14] და რკინის გვირგვინის ორდენი |
ალესანდრო დაიბადა 1745 წელს მილანთან ახლოს მდებარე ქალაქ კომოში, შეძლებული ფილიპ ვოლტას ოჯახში. იგი ოცი წლისა გიმნაზიაში ფიზიკას ასწავლიდა, ხოლო 25 წლისა პავიის უნივერსიტეტის პროფესორი გახდა.
ვოლტა იყო პირველი მეცნიერი, ვინც ელექტროდენი აღმოაჩინა და გამოიკვლია. გალვანის ცდა დაეხმარა ვოლტას პირველი დენის წყაროს შექმნაში. ამ წყაროს „ვოლტას სვეტს“ (ნახ. 1) უწოდებენ. ვოლტას სვეტი ქიმიური დენის წყაროების წარმომადგენელია. იგი არის გალვანური ელემენტების შეერთება ანუ ბატარეა. ბატარეის ბოლოების შეერთებით მიიღებოდა კონტური, რომელსაც შემდგომში ელექტრული წრედი უწოდეს.
ვოლტამ აიღო რამდენიმე დუჟინი (12 ცალი) ერთი დუიმის (2,54 სმ.) დიამეტრის მრგვალი სპილენძის ფირფიტა, ამდენივე კალისა. შემდეგ ფოროვანი მასალის (მუყაო, ტყავი) რგოლები გამოჭრა. ყველა ეს ფირფიტა ერთმანეთზე მონაცვლეობით სვეტებად განალაგა და ყოველ წყვილს შორის მჟავაში დასველებული მუყაოს რგოლი ჩაუდო. როცა შეეხო ერთი ხელით ზედა ფირფიტას, ხოლო მეორეთი ქვედას, იგრძნო, რომ ელექტროობამ დაარტყა. ეს მოხდა 1800 წელს. ასე შეიქმნა პირველი ქიმიური დენის წყარო „ვოლტას სვეტი“.
ალექსანდრო ვოლტის პატივსაცემად ძაბვის ერთეულს ვოლტი უწოდეს.
ვოლტას ცხოვრებამ ბედნიერად და უშფოთველად ჩაიარა. ბედმა დაასაჩუქრა სახელითა და დიდებით, გაათავისუფლა მატერიალური საზრუნავისაგან.
ალექსანდრო ვოლტა გარდაიცვალა 1827 წლის 5 მარტს კომოში, სადაც გაატარა მთელი მისი ახალგაზრდობა.
This article uses material from the Wikipedia ქართული article ალესანდრო ვოლტა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.