უფალთანაფა თაშნეშე ოსურეფიშ თანაფა, ბურთიშ ჸოთამა, ჭიჭე თანაფა, ანტითანაფა, თომაშ მარა — ოკათე დღახუ, თანაფაშ წორს იმანჯებუდჷ ჩუღურეთიშ უფალთანაფაშ ოხვამეწკჷმა.
უფალთანაფა | |
---|---|
წიმინდე თომაშ დარწუმება. | |
ტიპი | მართლმადიდებლური |
შხვანერო | ანტითანაფაშ მარა, ანტითანაფა, გოახალაფაშ მარა, ახალი მარა, თომაშ მარა, თომაშ თანაფა |
იშინუანა | მართლმადიდებელი ოხვამე |
პერიოდი | თანაფაშ გემაჸვენჯი მაართა ჟაშხა დღა |
ზეიმობა | ღორონთიშნინალა |
მერსხილი რე | თანაფაწკჷმა |
უფალთანაფას დიდი ზეიმი უჩქუდეს. თე დღას ქორთუეფს წესო უღუდეს ბურთიშ ლაჸაფი (ბურთიშ ჸოთამა). ოხვამეს წირუაშ უკული ჟირ ბუნათ გორთილი კათა ართიანს ოლაჸაფუდჷ ბურთიშ ხეშა ეშაჸოთამალო. მედგამიშ რწუმათ, ნამ ბუნათ გიმორძგუანდჷნ, ნთელი წანაშ გოძვენას ხვე დო ფენდა ვამაკორდუდჷ. კანკალეშა ბურთის ფია-ფიათ სოფუნდეს დო ირთუნდეს, თიშნერი მაგიურ შანულობა უღუდუ თეს. თე წეს-რჩქვანელობაქ ჭიეჭიეთ დოჭყოლიდაფას ქიმიაჩჷ დო XIX ოშწანურას ჩუღურეთის დვალირ უფალთანაფაშ გას გურჩქინდჷ მაჟირა ჯოხოქ „ჭითა გა“, თაქ უფალთანაფა დღას ოთანაფე ჭითა მარქვალეფიშ გეკერკელაფაშ გეშა (თე წესი რუსი მართლმადიდებელეფქ მიშეღეს), გაშ კართეს ოთანაფე მარქვალეფს გიოკერკელუანდეს დო მიდგაშ მარქვალი შორშა მიდეკერკელუდჷნ, მოგებულით თინა რდჷ დო ჭითა მარქვალეფი ხოლო თის დასქიდიდჷ.
This article uses material from the Wikipedia მარგალური (Margaluri) article უფალთანაფა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.