基督宗教

基督教(英文:Christianity,西文:Cristianismo)是一种宗教信仰,尊崇信奉耶稣基督是世界个救世主。基督教从公元1世纪开始发展,到4世纪成为地中海地区个主流宗教,到回教兴起后,信徒主要集中立在欧洲。地理大发现让基督教传播到美洲搭世界其余区域。乃朝,基督教是乃朝世界浪信徒人数顶顶多个宗教。

Spas vsederzhitel sinay.jpg
Spas vsederzhitel sinay

历史

早期历史

迭个宗教立在2000年之前立在乃朝个巴勒斯坦地区发源。立在开始辰光是犹太教内部个一个小团体。到圣保禄改革之后,成为面向各个族群个普世宗教。到公元2世纪,已经传遍整个东地中海。公元3世纪后半阶段。基督教吸纳交关知识分子替罗马上层进入,也引发罗马帝国皇帝戴克里先对基督教个迫害。到312年,君士坦丁大帝开始拥护基督教。到4世纪后半段,基督教成为罗马国教。同时,因为内部对三位一体解释弗同,开始出现顶早个分裂。乃朝个东方亚述教会替亚美尼亚教会就是迭个阶段形成个。

东西对立

公元5世纪,西罗马帝国灭亡,罗马主教依靠教会,立在西欧开始掌握实际个基层控制权。立在帝国东部个君士坦丁堡,教会更加本地化,希腊化。君士坦丁堡替罗马之间个对立从此开始。公元7世纪,罗马教宗改革教会,建立修道院,教阶制度。同时定居西欧个日耳曼人逐渐抛弃异端,接受罗马教宗个领导。东方个拜占庭帝国南部领土畀回教侵略占领。导致拜占庭帝国进一步希腊化。罗马教宗开始不服从拜占庭皇帝个指示。到9世纪,罗马教宗加冕法兰克王国国王查理曼为皇帝。又过100年不到,加冕东法兰克国王奥托为神圣罗马帝国皇帝。替拜占庭分庭抗礼。1054年,罗马替拜占庭相互绝罚对方个最高宗教领袖。东西教会正式分裂。

立在迭个阶段,尽管存在对立替回教徒个侵略,但基督教个传播一直嘸停歇。立在东面,亚述教会拿基督教传播到中华帝国个核心地区,乃朝西安还有亚述教会(立在中国畀称为景教)个碑文。立在北欧,横行抢劫个维京人立在9-10世纪大部分侪皈依基督教。立在东欧,斯拉夫人替本来属于游牧民族个马扎尔人、保加尔人侪皈依基督教。基辅罗斯大公弗拉基米尔立在10世纪末期带领罗斯人接受拜占庭个洗礼。

中世纪替十字军

进入11世纪,基督宗教立在西欧建立全面个统治地位。因为个辰光西欧流行封建领主制度,城市流行自治制度。所以,只有教会成为涵盖各个地区,提供交关服务个组织性机构。教会立在中世纪欧洲发挥邪气巨大个影响,医院、大学、乃至军事组织当中,侪有教会个身影,各国君主加冕也需要教会出面才好算成功。这也让罗马教会积累交关财富。一些老罗马贵族家庭立在7世纪就开始拿小孩送入教会,乃朝罗马成为权贵个聚集地区。教会个腐败现象开始滋生。一些修士对迭个现象邪气弗满意,伊拉成立自家个苦修组织。倡导回到基督教个本源。个当中,西多会替方济各会影响顶大。教会对这些修士以礼相待,支持伊拉个举动,弗过,对反抗教会权威个异端,则利用贵族替自家个军事组织加以消灭。例如法国南部普罗旺斯个异端,就畀罗马派遣个十字军灭脱。

11世纪,东罗马帝国立在小亚细亚惨败,突厥回回开始涌入小亚细亚,拜占庭帝国无力防守东方穆斯林个侵略,所以恳请西方基督教会出力帮忙。1099年,教宗号召十字军东征开始。十字军势如破竹,到1100年就占领耶路撒冷,解放当地个基督徒。并且立在地中海东岸,建立交关替拜占庭保持合作关系个基督教王国(例如邪气有名个耶路撒冷王国)。十字军个成功立在西欧掀起宗教狂热。此后为保护圣地个基督教王国,先后又发动交关趟十字军东征,弗过动机有好有坏,比方第四趟十字军东征就是针对拜占庭帝国个,酿成灾难性后果。到13世纪末,因为欧洲宗教热情个减退,十字军王国逐渐畀消灭。

十字军东征树立教会个权威,但到14世纪开始,反而成为教会个包袱。大量回到欧洲个十字军成为当地一霸,最终只好靠秘密方式进行处决(圣殿骑士团畀灭脱)。到14世纪,天主教本身发生教宗对立,西欧国家分为两派,一部分拥护罗马教宗,一部分拥护阿维尼翁教宗。此时,东方个东正教陷入水深火热当中。突厥人开始大规模进入巴尔干,立在1389年击败塞尔维亚之后,成为巴尔干个主宰势力。同时,北面个罗斯地区,立在13世纪畀内亚个蒙古帝国征服。到15世纪才彻底独立。拜占庭个东正教立在回教个阴影下,交关希腊人替中东基督徒皈依回教。

宗教改革搭地理大发现

立在15世纪,基督教主要个范围集中立在欧洲,东面、南面侪受到回教个包围。弗过,立在15世纪当中阶段,东面信奉东正教个莫斯科大公国统一俄罗斯,建立一个尊崇拜占庭帝国作为法统个东正教国家,并开始朝西伯利亚扩张。立在欧洲大陆西南面个伊比利亚半岛,西班牙搭葡萄牙赶走回教徒。同时开始向大西洋探索。西班牙个哥伦布发现美洲之后,天主教开始大规模传播,并让当地本身崇拜自家神明个印第安人皈依。地理大发现扩充基督教个范围,也让基督教真正成为全球宗教。立在同一阶段,因为罗马教廷发生个一些权力分配毛病,立在德国个马丁路德开始反对教宗,并且得到神圣罗马帝国蛮多诸侯个支持,最后,演变成反对罗马天主教个自我分裂运动。之后,又有加尔文之类个人响应,罗马教宗搭西班牙国王卡洛斯一世想镇压,弗过同时又面临奥斯曼帝国搭法国个威胁,弗好完全扑灭新教浪潮。到16世纪当中阶段《奥格斯堡条约》签署之后,新教分家已经形成定局。立在迭个阶段,也发生英格兰国王亨利八世因为自家婚姻搭财政,拿天主教驱逐,自立教会个事体。迭个事体也创造出乃朝个英国圣公会。

派别

基督宗教 
基督宗敎各派圖解
  • 基督教
    • 公教
    • 正教
      • 君士坦丁堡正教會
      • 亞歷山卓希臘正教會
      • 安提阿希臘正教會
      • 耶路撒冷希臘正教會
      • 希臘正教會
      • 俄羅斯正教會
      • 烏克蘭正教會
      • 保加利亞正教會
      • 塞爾維亞正教會
      • 羅馬尼亞正教會
      • 格魯吉亞正教會
      • 西方禮東正教
    • 新教
    • 東方正統教會(舊東部派)
      • 亞美尼亞使徒教會
      • 科普特正教會
      • 敘利亞東方正統教會
      • 衣索比亞泰華悉多正教會
      • 厄利垂亞泰華悉多正教會
      • 瑪蘭卡拉印度正教會
    • 東方教會(亦名「波斯教會」、「美索不達米亞教會」,誤作「聶思托里派教會」)
      • 景教
      • 東方亞述教會
      • 東方古教會

内部连接

Tags:

基督宗教 历史基督宗教 派别基督宗教 内部连接基督宗教世界回教地理大发现欧洲美洲耶稣

🔥 Trending searches on Wiki 吴语:

索契王杰奎宁水海底总动员2:多莉去啊里三皇五帝李英爱戴维·卡梅伦风云:雄霸天下(2002年电视剧)Aishwarya Rai寂静岭2金雀花王朝中岛美嘉水痘怪物猎人系列网站时光机鲍鱼多发性硬化症Shadowsocks道教英国小熊猫拳皇系列沙特阿拉伯国家足球队廿四史北京地铁15号线陈冠希崔圭夏黄子韬康斯坦丁·诺沃肖洛夫古巨基芙烈達·卡蘿龙与地下城射精孙杨中国东方航空5735号班机空难符号学标准吴语蛋黄酱洛迪肉骨茶阿斯顿维拉足球俱乐部绝对值林忆莲肉豆蔻辛亥革命以色列詹妮弗·康纳利空中客车A380米酒海洋哺乳动物IKON电子邮件梁家辉何赛飞鲜卑维基媒体国际会议罗伯特·莱万多夫斯基萨尔浒之战超新星丁基东莨菪碱巫师3:狂猎回教尼斯湖水怪小泉纯一郎阿拉丁布拉尼斯拉夫·伊万诺维奇蝴蝶夫人一级方程式赛车凯恩斯主义经济学上田麗奈众筹李易修明治🡆 More