ᱮᱛᱚᱢ ᱟᱢᱮᱨᱤᱠᱟ ᱫᱚ ᱟᱭᱛᱟᱱ ᱞᱮᱠᱟᱛᱮ ᱮᱥᱤᱭᱟ, ᱟᱯᱷᱨᱤᱠᱟ, ᱟᱨ ᱠᱚᱸᱭᱮ ᱟᱢᱮᱨᱤᱠᱟ ᱛᱟᱭᱚᱢ ᱯᱩᱱᱟᱜ ᱴᱷᱟᱶ ᱮ ᱦᱟᱢᱮᱴ ᱟᱠᱟᱜᱼᱟ ᱾ ᱦᱚᱲ ᱮᱞ ᱞᱮᱠᱟ ᱛᱮᱫᱚ ᱢᱚᱬᱮ ᱴᱷᱟᱶ ᱮ ᱟᱢᱮᱴ ᱟᱠᱟᱜᱼᱟ (ᱮᱥᱤᱭᱟ, ᱟᱯᱷᱨᱤᱠᱟ, ᱤᱭᱩᱨᱚᱯ ᱟᱨ ᱮᱛᱚᱢ ᱟᱢᱮᱨᱤᱠᱟ ᱛᱟᱭᱚᱢ)᱾ ᱱᱚᱶᱟ ᱨᱮᱭᱟᱜ ᱮᱨᱤᱭᱟ ᱫᱚ ᱦᱩᱭᱩᱜ ᱠᱟᱱᱟ ᱑᱗,᱘᱑᱔,᱐᱐᱐ ᱪᱟᱹᱣᱠᱟᱹ ᱠᱤᱞᱳᱢᱤᱴᱟᱨ ᱾
ᱮᱨᱤᱭᱟ | ᱑᱗᱘᱔0000 sq ᱠᱤᱞᱳᱢᱤᱴᱟᱨ(4th) |
---|---|
ᱦᱚᱲᱮᱞ | ᱔᱒᱓᱕᱘᱑᱐᱗᱘ (᱒᱐᱑᱘;5th) |
ᱦᱚᱲᱮᱞ ᱰᱮᱱᱥᱤᱴᱤ | ᱒᱑.᱔/ᱠᱤᱢᱤ2 (᱕᱖.0/sq mi) |
ᱡᱤ.ᱰᱤ.ᱯᱤ (ᱯᱤ.ᱯᱤ.ᱯᱤ) | $᱖.᱙᱒ ᱴᱨᱤᱞᱤᱭᱚᱱ (᱒0᱑᱙; 4th) |
ᱡᱤ.ᱰᱤ.ᱯᱤ (ᱱᱚᱢᱤᱱᱟᱞ) | $᱓.᱖᱔ ᱴᱨᱤᱞᱤᱭᱚᱱ (᱒0᱑᱙; 4th) |
ᱦᱚᱲ ᱯᱤᱪᱷᱤ ᱡᱤ.ᱰᱤ.ᱯᱤ | $᱘,᱕᱖0 (᱒0᱑᱙; 4th) |
ᱢᱤᱫ ᱢᱮᱱᱮᱫ | ᱮᱛᱚᱢ ᱟᱢᱮᱨᱤᱠᱟᱱ |
ᱫᱤᱥᱚᱢ ᱠᱚ | ᱑᱒ ᱯᱷᱩᱱᱩᱨᱜᱟᱹᱞ ᱫᱤᱥᱚᱢ |
ᱰᱤᱯᱮᱱᱰᱮᱱᱥᱤᱥ | ᱒ ᱵᱟᱝ ᱯᱷᱩᱱᱩᱨᱜᱟᱹᱞ ᱴᱚᱴᱷᱟ |
ᱯᱟᱹᱨᱥᱤ ᱠᱚ | ᱥᱯᱮᱱᱤᱥ, ᱯᱚᱨᱛᱩᱜᱤᱡᱽ, ᱜᱩᱭᱟᱨᱟᱱᱤ, ᱤᱝᱞᱤᱥ, ᱯᱷᱨᱮᱸᱪ, ᱰᱟᱪ, ᱠᱮᱪᱩᱣᱟ, ᱥᱨᱟᱱᱟᱢ ᱯᱟᱹᱨᱥᱤ, ᱥᱟᱨᱟᱢᱟᱠᱠᱟᱱ, ᱦᱤᱱᱫᱩᱥᱛᱟᱱᱤ, ᱪᱟᱭᱱᱤᱡᱽ, ᱮᱴᱟᱜ ᱯᱟᱹᱨᱥᱤ ᱠᱚ |
ᱛᱟᱹᱨᱤ ᱚᱠᱛᱚ | UTC-2 to UTC-5 |
ᱢᱟᱨᱟᱝ ᱥᱚᱦᱚᱨ ᱠᱚ | ᱮᱛᱚᱢ ᱟᱢᱮᱨᱤᱠᱟ ᱨᱮᱭᱟᱜ ᱱᱟᱜᱟᱨ ᱠᱚ List
|
ᱤᱭᱩ.ᱮᱱ ᱮᱢ᱔᱙ ᱠᱳᱰ | 005 – South America419 – Latin America019 – Americas001 – World |
ᱮᱛᱚᱢ ᱟᱢᱮᱨᱤᱠᱟ ᱫᱚ ᱟᱢᱮᱨᱤᱠᱟ ᱨᱮᱭᱟᱜ ᱮᱛᱚᱢ ᱯᱟᱦᱴᱟᱭ ᱟᱢᱮᱴ ᱟᱠᱟᱜᱼᱟ ᱾ ᱮᱛᱚᱢ ᱟᱢᱮᱨᱤᱠᱟ ᱯᱟᱱᱟᱯᱟ ᱠᱮᱱᱮᱞ ᱛᱮ ᱠᱚᱸᱭᱮ ᱟᱢᱮᱨᱤᱠᱟ ᱠᱷᱚᱱ ᱦᱟᱹᱴᱤᱧ ᱟᱠᱟᱱᱟ ᱾ ᱮᱛᱚᱢ ᱟᱢᱮᱨᱤᱠᱟ ᱨᱮᱭᱟᱜ ᱥᱟᱢᱟᱝ ᱥᱮᱫ ᱟᱴᱞᱟᱱᱴᱤᱠ ᱢᱟᱦᱟᱫᱚᱨᱭᱟ ᱟᱨ ᱯᱟᱪᱮ ᱥᱮᱫ ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱢᱮᱱᱟᱜᱼᱟ ᱾ ᱮᱛᱚᱢ ᱟᱢᱮᱨᱤᱠᱟ ᱨᱮᱭᱟᱜ ᱩᱥᱩᱞ ᱟᱨ ᱡᱤᱞᱤᱝ ᱵᱩᱨᱩᱢᱟᱞᱟ ᱟᱱᱫᱮᱥ ᱵᱩᱨᱩᱢᱟᱞᱟ ᱫᱚ ᱢᱟᱦᱟᱫᱮᱥ ᱨᱮᱭᱟᱜ ᱯᱟᱪᱮ ᱥᱮᱫ ᱠᱚᱸᱭᱮ ᱠᱷᱚᱱ ᱮᱛᱚᱢ ᱦᱟᱹᱵᱤᱫ ᱟᱴᱮᱫ ᱢᱮᱱᱟᱜᱼᱟ ᱾ ᱢᱟᱦᱟᱫᱮᱥ ᱨᱮᱭᱟᱜ ᱮᱛᱚᱢ-ᱛᱟᱞᱟ ᱨᱮ ᱫᱷᱟᱹᱨᱛᱤ ᱨᱮᱭᱟᱜ ᱢᱟᱨᱟᱝ ᱡᱟᱹᱯᱩᱫ ᱵᱤᱨ(rainforest) ᱟᱢᱟᱡᱚᱱ ᱵᱤᱨ ᱢᱮᱱᱟᱜ-ᱟ᱾ ᱱᱚᱣᱟ ᱵᱤᱨ ᱮᱛᱚᱢ ᱟᱢᱮᱨᱤᱠᱟ ᱨᱮᱭᱟᱜ ᱵᱨᱟᱡᱤᱞ, ᱠᱚᱞᱚᱢᱵᱤᱭᱟ, ᱵᱷᱮᱱᱮᱡᱩᱭᱮᱞᱟ, ᱤᱠᱩᱭᱮᱰᱚᱨ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱮᱸᱪ ᱜᱟᱭᱟᱱᱟ ᱫᱤᱥᱚᱢ ᱠᱚᱨᱮ ᱢᱮᱱᱟᱜᱼᱟ ᱾ ᱟᱨ ᱱᱚᱣᱟ ᱵᱤᱨ ᱛᱟᱞᱟ ᱛᱮᱜᱮ ᱱᱚᱣᱟ ᱢᱟᱦᱟᱫᱮᱥ ᱨᱮᱭᱟᱜ ᱢᱟᱨᱟᱝ ᱟᱨ ᱡᱤᱞᱤᱝ ᱜᱟᱰᱟ ᱟᱢᱟᱡᱚᱱ ᱜᱟᱰᱟ ᱟᱹᱛᱩ ᱪᱟᱞᱟᱣ ᱟᱠᱟᱱᱟ ᱾
ᱥᱚᱱᱟ, ᱨᱩᱯᱟᱹ, ᱢᱮᱬᱦᱮᱫ, ᱴᱤᱬ, ᱯᱮᱴᱨᱚᱞᱤᱭᱚᱢ ᱮᱢᱟᱱ ᱠᱷᱟᱫᱟᱱ ᱥᱮᱛᱮᱫ ᱫᱩᱠᱷᱤᱱ ᱟᱢᱮᱨᱤᱠᱟ ᱨᱮ ᱧᱟᱢᱚᱜᱼᱟ ᱾ ᱱᱚᱶᱟ ᱠᱚ ᱟᱹᱠᱷᱨᱤᱧ ᱠᱟᱛᱮ ᱫᱩᱠᱷᱤᱱ ᱟᱢᱮᱨᱤᱠᱟ ᱟᱹᱰᱤᱜᱟᱱ ᱠᱟᱹᱣᱰᱤ ᱟᱨᱡᱟᱣ ᱮᱫᱟ ᱾
ᱥᱯᱮᱱᱤᱥ ᱟᱨ ᱯᱚᱨᱛᱩᱜᱤᱡᱽ ᱵᱤᱥᱛᱤ ᱱᱚᱰᱮᱱ ᱠᱚ ᱦᱚᱲ ᱠᱚ ᱨᱚᱲᱟ ᱾ ᱱᱚᱶᱟ ᱠᱤᱱ ᱵᱟᱱᱟᱨ ᱯᱟᱹᱨᱥᱤ ᱛᱮᱜᱮ 200 ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱨᱚᱲᱟ ᱾ ᱟᱹᱰᱤ ᱜᱟᱱ ᱫᱤᱥᱚᱢ ᱨᱮᱭᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱥᱯᱟᱱᱤᱥ ᱠᱟᱱᱟ ᱾ ᱯᱚᱨᱛᱩᱜᱤᱡᱽ ᱫᱚ ᱵᱨᱟᱡᱤᱞ ᱨᱮᱭᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ ᱾
ᱱᱚᱶᱟ ᱢᱟᱦᱟᱫᱮᱥ ᱨᱮᱱ 90% ᱦᱚᱲ ᱫᱚ ᱠᱤᱨᱤᱥᱛᱟᱱ ᱠᱟᱱᱟ ᱠᱚ ᱾ ᱩᱱᱠᱩ ᱠᱷᱚᱱᱟᱜ 82% ᱫᱚ ᱨᱚᱢᱟᱱ ᱠᱟᱹᱛᱞᱤᱠ, 8% ᱫᱚ ᱮᱴᱟᱜ ᱠᱤᱨᱤᱥᱛᱟᱱ ᱾
᱑.https://en.m.wikipedia.org/wiki/Americas_(terminology)
᱒.https://en.m.wikipedia.org/wiki/Bibliography_of_South_America
This article uses material from the Wikipedia ᱥᱟᱱᱛᱟᱲᱤ article ᱮᱛᱚᱢ ᱟᱢᱮᱨᱤᱠᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.