Solé

Lé solé (sŷmbole: ; solé) est l'êtaile tch'êcliaithe lé jour d'la Tèrre.

Ch't' articl'ye fut c'menchie en Jèrriais

Ch'est eune êtaile tch'est l'moueu du système solaithe dans tchi qu'i' sont les pliannètes, la Tèrre est ses vaîsîns.

Solé
Un couochant à La Hague

À san tout seu, l'solé pèse 99.8% d'l'amas du système solaithe, mais ch'est eune balle dé plasma tchi fait d'la fusion nucléaithe dans san tchoeu dé tchi l'ênèrgie caûffe tout à l'entou, et ainchîn la Tèrre.

Sans l'solé, i' n'y'étha d'aut' dé vie sus la Tèrre – les pliantes font du photosŷnthèse atout la leunmiéthe à seule fîn d'craître.

Les gens font sèrvi la lueu du solé achteu pouor faithe d'l'ênèrgie solaithe.

Histouaithe et crianches

Solé 
S'lon la Bibl'ye, lé Bouôn Dgieu griyit la leunmiéthe, et en fit l'solé et la leune

Nou soulait craithe qu'la Tèrre 'tait au mitan d'l'Unnivèrs et qu'lé solé s'lévait et s'couochait châque jour. Pouor les cheins tchi criyaient qu'la Tèrre 'tait en forme dé balle, lé solé éthaient touônné à l'entou. Mais d's anciennes civilisâtions, ieux, 'taient d'avis qu'lé solé 'tait au mitan. En Ûrope, la scienche dêv'loppait s'lon l's avis d'Nic'lesse Copèrnique

Nou soulait êt' êpeûthé par l's êclyipses du solé – quand l'solé est bliotchi entchiéthement ou en partie par la Leune tchi pâsse entre la Tèrre et l'solé.

Les gens préhistoriques lus întèrêssaient dans l'solé car ch'tait împortant pouor les saîsons. Bein des pouquelayes, coumme La Hougue Bie et Stonehenge, fûtent bâties à seule fîn d'caltchuler l's êtchinnoxes et les solstices.

Ditons

  • Faut faithe lé fain tandi qué l'solé lit
  • Y'a des grîns au solé; j'avons changement d'temps
  • Quand l'solé pâsse dans l'ieau, ch'est sîngne dé plyie
  • Y'a d's appias au solé; ch'est sîngne dé plyie
  • D'la plyie à solé l'vant, i' r'f'tha bé d'vant longtemps

Autrément

Un solé est un paîsson (Mola mola) tchi d'meuthe dans l's ochéans.

Solé 

Y a co' de quei à vei' ou à ouï' entou'
l'Solé
sus les Coumuns à Viquipédie

Tags:

🔥 Trending searches on Wiki Nouormand/Normaund:

Duchie de NormaundieĤâote-Normaundie15 Août1041Sainte Thérèse dé LisieuxJérusalem1442Basilique dé Saint Mar20 AvriLa Bleue barbe10 FévriDNorgeNormaundsTchuusène14685 Dézembre7581443Valéry Giscard d'EstaingDannemar2006Chili27 MarMythologie grégeaise201024 SeptembreMore DanicoOuothelleCauchaisLatîn2016CouleuRusse1197SociologieSaint RembertEmpire anglo-normandSeine-Maritime14 NovembreNeufchâtel sus le TyneLé CapCôte d'IviétheUnnion Soviétique938Escobosa de Almazán1027Guillaume le ConquérantListe des abbaies normaundesÎle dé ManAnnaées 2000Page dé gardeLangueConfuciusBuitragoSée🡆 More