این مقاله ره تونّی لاتین خط جه هارشین: Messih var
مسیحیت دنیایِ گتترین دین هسته. این دین ِپهروون عیسی مسیح جه پهرووی کنّه و خدا ره پرستنّه. مسیحیون شه چن چلّه میونه رسد وونّه که کاتولیک، نسطوری، اورتودکس، پروتستان و… دسوری نوم دارنه. مسیحیون باور ویشته این هسته که تثلیث دره؛ یعنن خدا، مسیح و روح القدس سهتا سیوا شخصیت دارنه ولی اتا واحدِ وجود هستنه. علایده برین، وشون گنّه که مسیح شه خدایِ ریکا بییه که آدمونِ گناه وسّه ضامن بیّه و شه ره صلیب تن دار هکشییه که آدم گناهون ره اینتی بشوره و خدا آدمکتهئون ره ببخشه.
مسیحی دین اوائل یهودیت سر بساته بیّه و عیسا شه جهود بییه ولی اتی نو افلاطونی فلسفه همرکت جه هئی بیّه و اتکه روم و یونان فرهنگ ونه تن دپیت بیّه و مسیحی گتون چنتا جلسه دله هنیشتنه و وه ره اینتی که اسا هسته اصلاح هاکردنه. زمونی که روم امپراتوری رسماً مسیحی بَینه، اروپا دله مسیحیت جا دکته و کمکم دنیا دله تَنِکته بیّه. مسیحیت خله سال اروپایی کشورون دله قِد داشته ولی ونه حکومت ره کنار دینگونه و اسا فقط واتیکان دله تئوکراسی (دینی حکومت) دارنه. مسیحیون وسّه یکشمبه مقدس روز هسته که تعطیل هستنه و شونّه کلیسا دله نواجش کنّه.
This article uses material from the Wikipedia مَزِروني article مسیحی دین, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.