Œütanaxîa

/øjtana'ʒi:a/ , da-o gr. εὐϑανασία, comp. de εὖ «bene» e tema de ϑάνατος «morte»).

Açion ò omiscion che, pe so natua e inte intençioin de chi agisce (œütanaxia attiva) ò s'astegne da l'agî (eütanaxia pasciva), a procua antiçipaamente a morte de 'n marotto, a-o scopo de solevâne e sofferençe.

In particolâ, l'œütanaxia a va definia comme l'óçixon de 'n sogetto consençiente, in grao d'esprimme a so voentæ de moî, ò inta forma do suiçidio ascistio (con l’agiutto do mego a-o quæ o se revoze pe-a prescriçion de farmachi letæ pe l’aotosomenestraçion) ò inta forma de l’œütanaxia volontaia in senso streito, co-a recesta a-o mego de êse sopresso into presente ò into futuo. L’óçixon medicalizzâ de 'na persoña sença o so consenso, de fæto, a no va definia œütanaxia ma omiçidio tout court (Associaçion Œüropea pe-e cue palliative, 2003), comme into caxo de sogetti che no esprimman a so voentæ, l'esprimman in senso contraio ò no son in grao de manifestâla: figiœu da nascion, feti, embrioin, dementi, marotti gravi privi de conscença. No rentra otr'a ço into concetto d'œütanaxia l’astenscion ò a sospenscion de trattamenti futili e de forme de incagnimento terapœütico e a sedaçion terminâ (uso de farmachi sedativi pe dâ sollevo a de sofferençe insoportabile inti urtimi momenti de vitta).

In particolâ, no va confuso con l’œütanaxia a renonçia a l'incagnimento terapœütico , ossæ a quelli interventi sproporçionæ, gravoxi e inutili rispetto a-a poscibilitæ de arestâ o processo da morte do paçiente, into tentativo de prolongâ a vitta a ogni costo. Existe un consenso pressoché unannime circa l'inliçeitæ etica, deontologica e giuridica de questa pratica, che proppio in quante inscistença sproporçionâ e futile rispetto a-o razonzimento d'ogni obiettivo, a no se pœu definî una pratica terapœütica. A renonçia a l'incagnimento, tuttavia, a no legittima a sospenscion de cue ordinaie necessaie a 'n acompagnamento dignitoso do morente. Tra queste se discutte se s'agge da includde l'idrataçion e l’alimentaçion artifiçiâ, quande no resurtan gravose pe-o marotto ò l’organismo o no segge ciu in grao de recepile.

Differente, e in tâ senso illeçito, o l'è l'abandon terapœütico , ossæ a sospenscion de quæsesæ trattamento inte l'intento d'antiçipâ a morte: inte questi caxi, de fæto, no l'è a condiçion patologica a fâ moî, ma l'omiscion de sostentamenti ordinai. Va, pertanto, consciderâ una forma de œütanaxia pasciva.

Un aspetto delicao de questioin de fin vitta o riguarda o coscì dito refuo de terapie (ò dissenso informao) da parte de 'n soggetto capaxe de intende e de voei. In propoxito, a dotriña dominante a ritegne che a rilevança giuridica riconoscibile a l'aotodeterminaçion do paçiente a l'incontre un preciso limite into prinçipio do rispetto da persoña umaña. A libertæ de determinaçion do sogetto in relaçion a-a proppia salute (art. 3-13-32 Cost.), de fæto, a pâ meiteive de riconoscimento fiñatanto ch'a no segge votta a-a soprescion de lê mæximo ò a l'eliminaçion de componente essençiæ da personalitæ. Ço se traduxe inte l'imposcibilitæ pe-o soggetto de dispoñe da proppia existença con de forme de suiçidio ascistio e de œütanaxia voentaia.

Innançi a-a difficortæ de gestî a soferença inte scitoaçioin de fin vitta, l'esperiença clinica a dimostra l'importança do ricorso a-e cue palliative, ossæ a quell’aproccio integrao d'ascistença e cua do paçiente grave ò terminâ, bon a megioâ a qualitæ da vitta di paçienti mæximi e de famigge che se confrontan con de maotie mortæ, a traverso a prevençion e o trattamento do dô e di atri problemi fixichi, psicosociæ e spiituæ (co-a soministraçion d'analgexichi, a riabilitaçion, o sostegno psicologico, l'ascistença religiosa ecc.). E cue palliative, in tâ senso, dan rescióo; sostegnan a vitta e mian a-o moî comme a 'n processo naturâ; no intendan ni aspresciâ ni pospoñe a morte; integran di aspetti psicologichi e spiitoæ inte l’ascistença a-o paçiente; adœuvian un aproccio de équipe pe risponde a-i bezœugni do paçiente e da famiggia, e pœuan influençâ poxitivamente o decorso da maotia (OMS, 2002).

Da-o ponto de vista giuridico, inte l'ordinamento italian l'œütanaxia attiva a l'è ascimilabile a l'omiçidio, l'œütanaxia pasciva a l'è identificabile inte l'astenscion a praticâ de terapie into rispetto de norme de lezze. O codexo penâ o no prevedde un’apoxita discipriña pe l'omiçidio pe œütanaxia; trœuva invece apricaçion, de votta in votta, e dispoxiçioin inerenti l'omiçidio voentaio (art. 575) ò l'omicidio do consençiente (art. 579). L'applicaçion de quest’urtima norma a no l'è sempre poscibile, perché soventi o consenso prestao o l'è invalido a caosa de menomaçioin psichiche che pœuan acompagnâ a patologia in corso. In caxi tæ se fa rifeimento a-a discipriña prevista pe l'omiçidio comun che, a segonda de fattispecie concrete, a pœu êse amermâ (motivi de particolâ valô morâ ò sociâ) ò agravâ (premeditaçion ò raporti de paentella). L'è consciderao reato ascì l'instigaçion ò l'agiutto a-o suiçidio ex art. 580 c.p. L'œütanaxia pasciva a l'è amissa solo in ambito uspiæo into caxo de morte çerebrâ, previo consenso di parenti; l'è pe de ciu necessaio o permisso scrito do primaio, do mego curante e do mego legâ. In caxo de disaccordio s'adisce o giudiçe competente.

•   Wiki Commons a contêgne di files in sce Eutanaxia