Kebon Botani Batumi

Kebon iki dumunung ing daerah sing kondhang kanthi jeneng Rusia: Mtsvane Kontskhi sing tegesé “Tanjung sing Ijo” ing pasisir Sagara Ireng, lan kebon iku kalebu salah sawijining kebon botani sing gedhé dhéwé ing tilas nagara Uni Soviet.

Kebon Botani Batumi
Informasi Umum
Panggon	Batumi, Republik Otonomi Adjara, Georgia
Koordinat	41°41′33.78″N 41°43′11.22″E / 41.6927167°N 41.7197833°E / 41.6927167; 41.7197833
Taun madeg	3 November, 1912
Dioperasiaké	Pamaréntah Batumi
Status	-

Kebon botani iki diadegaké déning botanis Ruslan, Andrey Nikolayevich Krasnov (1862 - 1914), sadulur lanang saka Jenderal Pyotr Krasnov, ing taun 1880an lan resminé dibukak ing 3 November, 1912. Pas yasa kebon iki , dewekne direwangi déning 2 tenaga ahli perkebunan lan dekorator, sing karo-karoné kabangsan Prancis ya iku D’Alphonse lan Georgian Yason Gordeziani. Andrey Nikolayevich Krasnov tilar donya ing taun 1914 lan disarèkaké ing njero kebune lan majang recané.

Nalika isih dadi péranganing pamaréntahan Uni Soviet, kebon iki dikembangaké lan dibangun luwih apik, lan wiwit taun 1925, dadi pusat institusi kanggo nyinaoni budaya Kaukasus sub-tropis maritim. Saiki, kebon iki dipébrang dadi sangang daerah pérangan kembang, Caucasian humid subtropics, Asia Kidul-Wétan, Niu Selan, Amérika Kidul, Himalaya, Meksiko, Australia, lan Sagara Tengah. Kebon iki duwé kolèksi ora kurang saka 2037 taksonomi saka “ligneous plants”, ing ngendi 104te asalé saka Caucasian. Kebon ini sadurungé dioperasèkaké déning pérangan Akademi Kaèlmuan Georgia, lan wiwit taun 2006, dikelola déning badan indhepèndhen.