„The Daily Telegraph“ — 1855 წელს დაარსებული ყოველკვირეული ბრიტანული გაზეთი.
ერთ-ერთი ყველაზე უფრო პოპულარული და მრავალტირაჟიანი გაზეთი დიდ ბრიტანეთში The Times-თან, The Guardian-თან და The Independent-თან ერთად. საშუალო ყოველდღიური ტირაჟი შეადგენს 600 ათას ეგზემპლარზე მეტს.
The Daily Telegraph | |
---|---|
ტიპი: | ყოველდღიური გაზეთი |
ფორმატი: | ფართეფორმატიანი |
მფლობელ(ებ)ი: | Telegraph Media Group |
რედაქტორი: | ტონი გალაჰერი |
დაარსდა: | 1855 |
პოლიტიკური ერთგულება: | ცენტრიზმი/კონსერვატიზმი |
ენა: | ინგლისური |
სათავო ოფისი: | 111 Buckingham Palace Road, London, SW1W 0DT |
პერიოდულობა: | 622 719 |
ISSN: | 0307-1235 |
საიტი: | telegraph.co.uk |
პირველი ნომერი გამოვიდა 1855 წლის 29 ივნისს, როგორც „The Daily Telegraph & Courier“. დააარსა პოლკოვნიკმა არტურ სლაიმ (ინგლ. Arthur B. Sleigh) ერთადერთი მიზნით — გაეკრიტიკებინა კემბრიჯის ჰერცოგი გეორგი, ბრიტანეთის ჯარის მომავალი მთავარსარდალი. რამდენიმე თვის შემდეგ გაზეთი გამოისყიდა გაზეთ The Sunday Times-ის გამომცემელმა ჯოზეფ მოუსეს ლევიმ (ინგლ. Joseph Moses Levy) და გადაწყვიტა შეექმნა ახალი იაფი გაზეთი, რომელიც ხელმისაწვდომი იქნებოდა მკითხველთა ფართე წრისათვის. 1855 წლის 17 სექტემბერს გამოვიდა განახლებული „The Daily Telegraph & Courier“, (სახელწოდებას თანამედროვე შეკვეცილი სახე მიეცა 1856 წელს) როგორც „ყველაზე დიდი, ყველაზე საუკეთესო და ყველაზე იაფი გაზეთი მსოფლიოში“. ტირაჟის მიხედვით გაზეთი მაშინვე გახდა ლიდერი დიდ ბრიტანეთში.
1937 წლის ოქტომბერში გამომცემლობა გაერთიანდა Morning Post-თან (შეიქმნა 1772 წელს), დაერქვა „The Daily Telegraph & Morning Post“ და ამ სახელწოდებით გამოდიოდა 1969 წლამდე, რის შემდეგაც მას დაუბრუნდა ადრინდელი სახელწოდება.
1985 წლის ივნისში გაზეთის აქციების ნაწილი შეიძინა კანადელმა მედიამაგნატმა კონრად ბლეკმა, ხოლო 1986 წლის თებერვალში დაეუფლა საკონტროლო პაკეტს.
2004 წელს სასამართლო გარჩევების შემდეგ გაზეთი 665 მილიონ ფუნტ სტერლინგად გადავიდა ძმებ ბარკლაების კომპანიის ხელში (რომლებიც ასევე აკონტროლებენ ამერიკულ Chicago Sun-Times-ს და ისრაელის Jerusalem Post-ს).
თანამედროვე The Daily Telegraph შედგება სამი მუდმივი დანაყოფისაგან: Main News, Business და Sport. ამას გარდა ყოველდღიურად გამოდიან თემატიკური რუბრიკები. ორშაბათს — Features (არტ-აუქციონები, შენი ბიზნესი, ხელოვნება, მოდა, ჯანმრთელობა და კარგი ხასიათი); სამშაბათს — Features (ურთიერთობა, ხელოვნება, სტილი, ჯანმრთელობა), ოთხშაბათს — Features (მეცნიერება, ჯანმრთელობა, ხელოვნება, განათლება), ხუთშაბათს — Features (ხელოვნება, სტილი, კანონი), ლონდონის უძრავი ქონება, სპეციალური დანართი The New York Times, პარასკევს — Features (ჯანმრთელობა, ხელოვნება, მოდა, კინო), შაბათს — Features (მშობლები და განათლება, სოფელი, მოდა, სახლი, კვება და სასმელი, შოპინგი), Telegraph magazine, ტელევიზია და რადიო, შენი ფული, ავტომანქანები, მოგზაურობა, უძრავი ქონება, ხელოვნება+წიგნები, მებაღეობა, უიკენდი.
The Sunday Telegraph — The Daily Telegraph-ის საკვირაო დამატება, დაარსებული 1961 წლის 5 თებერვალს. დღეისათვის ტირაჟი შეადგენს 656 055 ეგზემპლარს.
This article uses material from the Wikipedia ქართული article The Daily Telegraph, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.