ჯვრის უღელტეხილის ტრავერტინები
ჯვრის უღელტეხილის ტრავერტინები — ტრავერტინი საქართველოში, ყაზბეგის მუნიციპალიტეტში.
მდებარეობს მდინარე ბიდარის ხეობაში, კობი-გუდაურის საავტომობილო გზის მიმდებარედ, ზღვის დონიდან 2197 მ სიმაღლეზე. ჯვრის უღელტეხილის კიროვანი ტუფები ვრცელი მინდვრების სახითაა წარმოდგენილი, რომლებიც წყაროებით არის დალექილი და მეტწილად კარბონატულ წყებასთანაა დაკავშირებული. ისინი ზოგან თეთრია, ზოგან კი რკინის მარილების მინარევებით ნარინჯისფრად არის შეღებილი. უღელტეხილის მიდამოებში სუბალპური და ალპური ლანდშაფტებია. ჯვრის უღელტეხილის გუდაური-კობის მონაკვეთის გზის გაფართოებასთან დაკავშირებით, 2013 წლის მაისში, მშენებლებმა ტრავერტინების გზისპირა ნაწილიც ჩამოაცალეს, რის შემდეგ, საქართველოს გარემოსა და ბუნებრივი რესურსების დაცვის სამინისტრომ იგი სხვა რამდენიმე ძეგლთან ერთად დაცვის ობიექტად შეიტანა. ყველაზე ახლომდებარე მსხვილი დასახლებული პუნქტია გუდაური. დაბა გუდაური ჯვრის უღელტეხილის ტრავერტინის ბუნების ძეგლი 10 კმ. ჯვრის უღელტეხილის ტრავერტინები ბუნების ძეგლია.
| ჯვრის უღელტეხილის ტრავერტინები | |
|---|---|
IUCN კატეგორია III (ბუნების ძეგლი) | |
 | |
 | |
| მდებარეობა | ყაზბეგის მუნიციპალიტეტი |
| ქვეყანა |  საქართველო |
| უახლოესი ქალაქი | გუდაური |
| კოორდინატები | 42°31′54″ ჩ. გ. 44°28′19″ ა. გ. / 42.5318833° ჩ. გ. 44.472083° ა. გ. |
| ფართობი | 0,027 კმ² |
| მმართველი ორგანო | დაცული ტერიტორიების სააგენტო |
იხილეთ აგრეთვე
სქოლიო
This article uses material from the Wikipedia ქართული article ჯვრის უღელტეხილის ტრავერტინები, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.