ჯარილგაჩი
ჯარილგაჩი (უკრ.
Джарилгач) — კუნძული შავი ზღვის კარკინიტის ყურეში. ადმინისტრაციულად ეკუთვნის უკრაინის ხერსონის ოლქს. ფართობი — 56 კმ². სიმაღლე — 2 მ. დაუსახლებელია. წაგრძელებული ფორმისაა. დასავლეთიდან აღმოსავლეთისაკენ გადაჭიმულია დაახლოებით 42 კმ-ზე, ჩრდილოეთიდან სამხრეთისაკენ 4,6 კმ-ზე. კუნძულზე ბევრია ლიმანური ტბა, რომლებიც მეტწილად მარილიანია. რელიეფში გვხვდება ქვიშის დიუნები, სანაპირო დაჭაობებული დაბლობები, ლიმანები, ცელები. სანაპირო აკუმულაციური ტიპისაა. არის ხელოვნური მტკნარი წყალსატევები და 3 არტეზიული ჭაბურღილი. მდინარეები არ გვხვდება. დამახასიათებელია ზომიერად კონტინენტური ჰავა. საშუალო წლიური ტემპერატურაა 10,2 °C. ივლისის საშუალო ტემპერატურა 22 °C. იანვრის –2 °C. აბსოლუტურ მინიმალური ტემპერატურა –27 °C, აბსოლუტურ მაქსიმალური 50 °C. ნალექები დაახლოებით 400 მმ წელიწადში. მზის ნათების ხანგრძლივობა 2300 სთ. წელიწადში. კუნძულზეა ჯარილგაჩის ეროვნული ბუნებრივი პარკი, რომელიც 2009 წელს დაარსდა. კუნძულის ჩრდილოეთ ნაწილშია მდელოს, ჭაობისა და მლაშობის მცენარეულობა, ცენტრალურ ნაწილში — სტეპი და მდელოები.
| მშობ. სახელი: უკრ. Джарилгач | |
|---|---|
 ჯარილგაჩის მარილიანი ტბები | |
| გეოგრაფია | |
| მდებარეობა | შავი ზღვა |
| კოორდინატები | 46°01′35″ ჩ. გ. 32°56′35″ ა. გ. / 46.02639° ჩ. გ. 32.94306° ა. გ. |
| ფართობი | 56 კმ² |
| სიგრძე | 42 კმ |
| სიგანე | 4,6 კმ |
| უმაღლესი წერტილი | 2 მ |
| დემოგრაფია | |
| მოსახლეობა | 0 (2013) |
გალერეა
რესურსები ინტერნეტში
- კუნძული ჯარილგაჩი
- კუნძული ჯარილგაჩი დაარქივებული 2010-12-24 საიტზე Wayback Machine.
- კუნძული ჯარილგაჩი დაარქივებული 2014-08-06 საიტზე Wayback Machine.
- კუნძული ჯარილგაჩი დაარქივებული 2014-06-06 საიტზე Wayback Machine.
This article uses material from the Wikipedia ქართული article ჯარილგაჩი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.