ხარება და გოგია
„ხარება და გოგია“ — გიორგი შენგელაიას 1987 წლის ფილმი.
ფილმში მონაწილეობენ: ომარ ფხაკაძე, ლევან თედიაშვილი, მიხეილ სალაძე, ავთანდილ მაისურაძე, ოთარ მეღვინეთუხუცესი და სხვ. სიუჟეტში გამოყენებულია XX საუკუნის დასაწყისის ისტორიული ყაჩაღების — ხარება ჯიბუტისა და გოგია კენკიშვილის თავგადასავლის ზოგიერთი ეპიზოდი.
| „ხარება და გოგია“ | |
|---|---|
 | |
| დამდგმელი რეჟისორი | გიორგი შენგელაია |
| სცენარის ავტორი | ბაადურ ბალარჯიშვილი, გიორგი შენგელაია |
| როლებში | ომარ ფხაკაძე, ლევან თედიაშვილი, მიხეილ სალაძე, ავთანდილ მაისურაძე, ოთარ მეღვინეთუხუცესი |
| ხმის ოპერატორი | ვლადიმერ ნიკონოვი |
| ოპერატორი | ლერი მაჩაიძე |
| მონტაჟი | სოფიო მაჩაიძე |
| მხატვარი | ვასილ არაბიძე ნიკოლოზ (ნიკუშა) შენგელაია გენო ცაავა |
| სტუდია | ქართული ფილმი |
| გამოსვლის თარიღი | 1987 |
| ხანგრძლივობა | 143 წთ |
| ქვეყანა |  საქართველო |
| ენა | ქართული |
ფილმის შინაარსი
ხარება ჯიბუტს, რომელიც თავად ყარაშვილთან მსახურობს მოურავად, ბატონი გაკიცხავს გლეხებთან გამოჩენილი ლმობიერების გამო, მისი ვაჟიშვილი კი უსამართლოდ აუშარდება და შეურაცხყოფას მიაყენებს. ხარება ვერ მოუთმენს და ხელს შეუბრუნებს ახალგაზრდა ბატონს. განრისხებული თავადი მის დაპატიმრებას ბრძანებს. ხარება ჩაფრებს გაურბის და დევნის დროს ერთ-ერთ მათგანს ჰკლავს, რის გამოც, იძულებული ხდება ტყეში ყაჩაღად გავარდეს. მას მალევე შეუერთდება ჭიდაობისას გაცნობილი და ძმად შეფიცული ცნობილი ფალავანი გოგია კენკიშვილი, შემდეგ კი სხვებიც მიემატებიან. რაზმელებს მალევე დაუკავშირდება ციმბირიდან გამოქცეული ტერორისტი აქვსენტი სიდამონიძე, რომელიც იარაღით მომარაგებას ჰპირდებათ. ხარება და მისი გუნდი ტყეში დაიდებენ ბინას. ისინი იტაცებენ სახაზინო ფულს, იარაღს, ხოცავენ პოლიციელებს, ფულს ართმევენ მდიდარ ვაჭრებსა და მეცხვარეებს, თუმცა, ღარიბებს არ ერჩიან, ხანდახან ეხმარებიან კიდეც და ამის გამო, მათ ბევრი თანამგრძნობი გამოუჩნდებათ უბრალო ხალხში. პოლიცია ნადირობს ყაჩაღებზე, მაგრამ, მათ ხელში ჩაგდებას ვერ ახერხებს ნაწილობრივ ხალხისაგან ყაჩაღების დახმარების გამო, ნაწილობრივ კი იმიტომაც, რომ მაზრის უფროსის მოადგილე ვოლხოვსკი ხარებას და მის რაზმელებს უსამართლობასთან მებრძოლ ხალხად თვლის და მათ მიმართ რადიკალური ზომების გატარებას ერიდება. ერთხელ, ანდრონიკაშვილებთან სტუმრობის დროს, მათ მიპატიჟებასაც კი სთავაზობს მასპინძელს. ხარება და მისი რაზმელები იღებენ მიპატიჟებას, რიც შედეგადაც ყაჩაღები და ხელისუფლების წარმომადგენლები ერთ სუფრასთან აღმოჩნდებიან. თუმცა, ცხადია, ხელისუფლების მაღალ ეშელონებში ვერ ეგუებიან ასეთ მდგომარეობას. მაზრის უფროს ბარათოვს უკანასკნელ გაფრთხილებას აძლევენ, ვოლხოვსკის თანამდებობიდან ხსნიან, ხოლო ყაჩაღთა ჯგუფის გასანადგურებლად კი დამსჯელ რაზმს აგზავნიან, შტაბსკაპიტან ახვლედიანის მეთაურობით. ახვლედიანი ტახტის ერთგული მსახურია და არაფერს ერიდება მიზნის მისაღწევად. ის ყაჩაღებს ოჯახების ამოწყვეტით ემუქრება. ხალხის დაშინების, დასჯის, მოსყიდვისა და გადაბირების მეშვეობით მოახერხებს რაზმის განდევნას, ალყაში მოქცევასა და განადგურებას.
როლებში
- ომარ ფხაკაძე (ხარება ჯიბუტი)
- ლევან თედიაშვილი (გოგია კენკიშვილი)
- მიხეილ სალაძე (მედუქნე ილო მებურიშვილი)
- ავთანდილ მაისურაძე (სანდრო ყავლაშვილი)
- ოთარ მეღვინეთუხუცესი (შტაბს-კაპიტანი ახვლედიანი)
- ალექსანდრე კაიდანოვსკი (ვოლხოვსკი)
- ზაზა კოლელიშვილი (ჟორჟიკა ბერძენიშვილი)
- ვახტანგ ფანჩულიძე (ზალიკა სიმონიშვილი)
- გია ჯაფარიძე (ჩორტევოზნაეტა)
- გიორგი (გიო) ხუციშვილი (მეეტლე უტრუხუნე)
- მურმან ჯინორია (ავქსენტი სიდამონიძე)
- ნუგზარ შატაიძე (სიმონა, ხარებას ძმა)
- ივანე საყვარელიძე (მკითხავი ფრიდონა)
- თენგიზ ბერიძე
- გურამ ლორთქიფანიძე (ფოტოგრაფი როინიშვილი)
- ზურაბ ანთელავა (ალი შახტიევი)
- ირაკლი ხიზანიშვილი (სიდამონიძის კაცი)
- იური გეწაძე
- ლერი ზარდიაშვილი (თანდილა)
- გიორგი ხაჩატუროვი
- მზია არაბული (ეთერი)
- იობი ბართიშვილი (შაქრო)
- დავით ჯავახიშვილი (თავადი ანდრონიკაშვილი)
- ლალი ანდრონიკაშვილი (ქალბატონი ანდრონიკაშვილი)
- მერაბ ვაჩნაძე (თავადი)
- მერაბ ანდრონიკაშვილი (თავადი)
- გივი ხახიძე
- თამარ თარხნიშვილი
- ოთარ ზაუტაშვილი (მიკირტუმა)
- თემურ ჯორჯაძე
- ქეთევან ნინუა (თავადის ქალი)
- მარიკა ჭიჭინაძე (ელიკო)
- ნინო თარხან-მოურავი (თამრო)
- იური ვასაძე (შავბექაიძე)
- რუსლან მიქაბერიძე (მაზრის უფროსი)
- შალვა ხერხეულიძე (თავადი ყარაშვილი)
- თათია ხაინდრავა (თავად ყარაშვილის მეუღლე)
რესურსები ინტერნეტში
This article uses material from the Wikipedia ქართული article ხარება და გოგია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.