ხანისწყალი
ხანისწყალი — მდინარე ბაღდათის მუნიციპალიტეტში.
სათავე აქვს მესხეთის ქედის ჩრდილოეთ კალთაზე, ზღვის დონიდან 2280 მეტრ სიმაღლეზე. ერთვის მდინარე რიონს მარცხნიდან, სოფელ ვარციხესთან. სიგრძე 57 კილომეტრი. აუზის ფართობი 914 კმ². მთავარი შენაკადებია: ლაიშურა, ქერშავეთი, წაბლარასწყალი, საკრაულა. საზრდოობს თოვლის, წვიმისა და მიწისქვეშა წყლით. წყალდიდობა იცის გაზაფხულზე, შემოდგომაზე — წყალმოვარდნები, ზამთარსა და ზაფხულში — წყალმცირობა. საშუალო წლიური ხარჯი შესართავთან 22,8 მ³/წმ. გამოყენებულია სარწყავად, გაყვანილია დიმი–როკითის, ვარციხისა და აბხანაურის სარწყავი არხები.
| ხანისწყალი | |
|---|---|
 ხანისწყალი სოფ. დიმში | |
| ქვეყანა |  საქართველო |
| ტერიტორიული ერთეულები | იმერეთის მხარე |
| ქალაქები | ბაღდათი |
| სათავე | მესხეთის ქედი 41°49′56″ ჩ. გ. 42°56′06″ ა. გ. / 41.832333° ჩ. გ. 42.935139° ა. გ. |
| სათავის სიმაღლე | 2280 მ |
| შესართავი | რიონი 42°09′14″ ჩ. გ. 42°42′39″ ა. გ. / 42.154083° ჩ. გ. 42.711083° ა. გ. |
| შესართავის მდებარეობა | სოფელი ვარციხე |
| სიგრძე | 57 კმ |
| აუზის ფართობი | 914 კმ² |
| წყლის ხარჯი (საშ.) | 22,8 მ³/წმ |
 | |
     — სათავე,  — შესართავი | |
 ხანისწყალი ვიკისაწყობში | |
ციტატა
 | „ვარციხეს ზეით ერთვის რიონს ხანისწყალი, გამოსდის ფერსათს, მოდის ჩრდილოთ და მოერთვის რიონს სამხრიდამვე“ |
ლიტერატურა
- გიგინეიშვილი გ., ქართული საბჭოთა ენციკლოპედია, ტ. 11, თბ., 1987. — გვ. 431.
სქოლიო
This article uses material from the Wikipedia ქართული article ხანისწყალი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.