ძირულა
ძირულა — მდინარე დასავლეთ საქართველოში.
მიედინება საჩხერის, ხარაგაულისა და ზესტაფონის მუნიციპალიტეტებში. სათავე აქვს ლიხის ქედის დასავლეთ კალთაზე, ზღვის დონიდან 1252 მ სიმაღლეზე. მდინარე ყვირილის მარცხენა შენაკადი. სიგრძე 83 კილომეტრი, აუზის ფართობი 1270 კმ². საზრდოობს თოვლის, წვიმისა და მიწისქვეშა წყლით. მთავარი შენაკადებია: დუმალა, ჩხერიმელა და ხელმოსმულა.
| ძირულა | |
|---|---|
 ჯაბა ლაბაძის ფოტო | |
| ქვეყანა |  საქართველო |
| ტერიტორიული ერთეულები | იმერეთის მხარე |
| სათავე | ლიხის ქედი 42°19′55″ ჩ. გ. 43°38′44″ ა. გ. / 42.332194° ჩ. გ. 43.645639° ა. გ. |
| სათავის სიმაღლე | 1252 მ |
| შესართავი | ყვირილა 42°05′51″ ჩ. გ. 43°04′32″ ა. გ. / 42.097500° ჩ. გ. 43.075639° ა. გ. |
| სიგრძე | 83 კმ |
| აუზის ფართობი | 1270 კმ² |
| წყლის ხარჯი (საშ.) | 26,6 მ³/წმ |
     — სათავე,  — შესართავი | |
 ძირულა ვიკისაწყობში | |
წყალდიდობა იცის გაზაფხულზე, წყალმცირობა — ზაფხულში, წყალმოვარდნები — შემოდგომა-ზამთარში. საშუალო წლიური ხარჯი სოფელ წევასთან — 26,6 მ³/წმ. იყენებენ სარწყავად. მდინარე ძირულის ხეობაშია გაშენებული სოფლები: ქვედა წევა, ბორითი, შროშა და სხვა. ძირულასა და დუმალის წყალგამყოფზე შემორჩენილია ფიჭვნარი.
ვახუშტი ბატონიშვილი ასე აღწერს მდინარე ძირულას:
 | „ძირულას მდინარე გამოსდის პერანგის მთასა, და ხეფინის ხევის ვერტყვილამდე აღვსწერეთ ქართლზედ, და ხეფინის ხევის ვერტვილიდამ ხარაგაულამდე დის სამხრეთს-დასავლეთ შუა და ხარაგაულიდან შორაპნამდე დის აღმოსავლეთიდან დასავლეთად.“ |
სქოლიო
This article uses material from the Wikipedia ქართული article ძირულა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.