ქეთერისის ვოკლუზი
ქეთერისის ვოკლუზი — ვოკლუზი საქართველოში, ყაზბეგის მუნიციპალიტეტში.
მდებარეობს თრუსოს ხეობაში, მდინარე თერგის მარჯვენა ნაპირზე, ნასოფლარ ქეთერისის მიდამოებში, ზღვის დონიდან 2300 მ სიმაღლეზე. იგი კავკასიონის მთავარი ქედის ძირში, ლავური ლოდნარის ქვეშ, ზედაიურული კარბონატული ფლიშიდან გამოედინება მძლავრი წყაროების ჯგუფის სახით, რომელსაც მკვლევრებმა „ნარზან-ვოკლუზი“ უწოდეს. წყარო დღე-ღამეში იძლევა 25–30 მლნ. ლ. ჰიდროკარბონატულ-კალციუმიან წყალს, რაც შეესაბამება 300–350 ლ/წმ-ს. მისგან სათავეს იღებს მდინარე, რომელიც გაედინება ქეთერისზე, სადაც მინერალურ წყალზე წისქვილების კასკადია გამართული. ამჟამად წისქვილები თითქმის აღარ ფუნქციონირებენ. უახლოესი დასახლებული პუნქტია ქეთერისი, შედარებით მოშორებულია სოფელი კობი. ქეთერისის ვოკლუზი ბუნების ძეგლია.
| ქეთერისის ვოკლუზი | |
|---|---|
IUCN კატეგორია III (ბუნების ძეგლი) | |
 | |
| მდებარეობა | ყაზბეგის მუნიციპალიტეტი |
| ქვეყანა |  საქართველო |
| უახლოესი ქალაქი | ქეთერისი |
| კოორდინატები | 42°35′47″ ჩ. გ. 44°23′59″ ა. გ. / 42.59639° ჩ. გ. 44.39972° ა. გ. |
| ფართობი | 0,01 კმ² |
| მმართველი ორგანო | დაცული ტერიტორიების სააგენტო |
იხილეთ აგრეთვე
სქოლიო
This article uses material from the Wikipedia ქართული article ქეთერისის ვოკლუზი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.