ტოპოგრაფია

ბერძნ. τόπος – ადგილი, γράφω – ვწერ) — გეოდეზიის დარგი, რომლის ამოცანას შეადგენს კარტოგრაფიის უზრუნველყოფა მაღალი სიზუსტის გეოდეზიური საფუძვლის ბაზაზე შექმნილი მსხვილმასშტაბიანი რუკებით; იმავე ბაზაზე საკუთარი საყრდენი საფუძვლის შექმნა შედარებით მცირე სივრცეებისათვის; ადგილის აგეგმვა; განაზომთა მათემატიკური დამუშავება გამონათვალთა გრაფიკულად გამოხაზვა ტოპოგრაფიული რუკებისა და გეგმების სახით. ტოპოგრაფია შეისწავლის აგრეთვე ტოპოგრაფიული რუკების დახაზვის მეთოდებს.

ტოპოგრაფია განიხილება როგორც კარტოგრაფიის ცალკე განხრა, რომელიც სწავლობს ამა თუ იმ ტერიტორიის კარტოგრაფირების პრობლემებს. ტოპოგრაფიული სფეროს ინტერესებში შედის ასევე ტოპოგრაფიული რუკები, სახელდობრ: მათი შედგენა-განახლების მეთოდიკა, სიზუსტისა და კლასიფიკაციის საკითხებისა და ადგილის სხვადასხვა ინფორმაციის დამუშავება.

თანამედროვე ტოპოგრაფიის განვითარების ეტაპი ხასიათდება კომპიუტერული მეთოდების ფართო დამუშავებით, რასაც საბოლოოდ მივყავართ ტოპოგრაფიული რუკების შექმნასთან. მეტად პერსპექტიული მხარეა – აეროგადაღება ინფორმაციის ავტომატური ამოცნობით EVM-ს დახმარებით და მისი შემდგომი კლასიფიკაცია და აგებულება GIS სისტემის საფუძველზე.

• ქართული საბჭოთა ენციკლოპედია, ტ. 10, თბ., 1986. — გვ. 21.
• Подобедов Н. С., Полевая картография, М., 1970;
• Лобанов А. Н., Аэрофототопография, М., 1971;

• Facoltà di geomatica e geodesia დაარქივებული 2007-01-27 საიტზე Wayback Machine. al Politecnico di Milano
• Cattedra di Topografia dell'Università degli Studi di Brescia