ტობის ჩანჩქერი — ჩანჩქერი საქართველოში, მარტვილის მუნიციპალიტეტში.
საქართველოს უმაღლესი ჩანჩქერი. სიმაღლე 234 მ. მდებარეობს ასხის კირქვული მასივის სამხრეთ-დასავლეთ ნაწილში, მდინარე აბაშის მარცხენა შენაკადის — ტობის სათავის მიდამოებში. აბსოლუტური სიმაღლე 600–800 მ. მდინარე ტობის სათავეში ამართული, ზედაცარცული კირქვული ქარაფი მდიდარია კარსტული მღვიმეებიდან გამომავალი მდინარეების ჩანჩქერებით. ტობის ჩანჩქერს წარმოქმნის არსენ ოქროჯანაშვილის მღვიმიდან გამომავალი კარსტული მდინარე. კასკადური წყალვარდნილია. საინტერესო და პერსპექტიული ტურისტული ადგილია. ყველაზე ახლომდებარე მსხვილი დასახლებული პუნქტია ქალაქი მარტვილი. მისასვლელი გზა იწყება მარტვილიდან 14 კილომეტრიანი საავტომობილო გზით სოფელ მეორე ბალდამდე, შემდეგ ფეხით 4 კილომეტრი მდინარე ტობის სათავის ქარაფის ძირამდე. შეტანილია საქართველოს „წითელ წიგნში“. ტობის ჩანჩქერი ბუნების ძეგლია.
ტობის ჩანჩქერი | |
კოორდინატები: 42°28′19″ ჩ. გ. 42°27′18″ ა. გ. / 42.472083° ჩ. გ. 42.455250° ა. გ. | |
---|---|
მდებარეობა | საქართველო |
ტერიტორიული ერთეული | მარტვილის მუნიციპალიტეტი |
სიმაღლე | 234 მ |
ტიპი | კასკადური |
This article uses material from the Wikipedia ქართული article ტობის ჩანჩქერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.