სტივენ ჰოკინგი

8 იანვარი, 1942, ოქსფორდი, დიდი ბრიტანეთი — გ. 14 მარტი, 2018) — ბრიტანელი ფიზიკოსი და ასტროფიზიკოსი. ფიზიკო-თეორეტიკოსებს შორის იგი არის ერთ-ერთი ყველაზე გავლენიანი და მოწინავე მეცნიერი. ძირითადად მოღვაწეობდა კოსმოლოგიასა და კვანტურ გრავიტაციაში.

სტივენ ჰოკინგი
ინგლ. Stephen William Hawking
დაბ. თარიღი	8 იანვარი, 1942(1942-01-08)[1] [2] [3] [4] [5] [6] [7] [8] [9] [10] [12] [13] [14] [15] [16] [17] [18]
დაბ. ადგილი	ოქსფორდი[19]
გარდ. თარიღი	14 მარტი, 2018(2018-03-14)[5] [21] [7] [4] [8] [9] [12] [13] [22] [17] [18] (76 წლის)
გარდ. ადგილი	კემბრიჯი [19]
დასაფლავებულია	უესტმინსტერის სააბატო
მოქალაქეობა	გაერთიანებული სამეფო[25] [19]
საქმიანობა	ფიზიკოს-თეორეტიკოსი, კოსმოლოგი და მწერალი[26]
მუშაობის ადგილი	გონვილი და კაიუსის კოლეჯი[27] , კემბრიჯის უნივერსიტეტის მათემატიკის ფაკულტეტი[27] , Perimeter Institute for Theoretical Physics[28] , კემბრიჯის უნივერსიტეტი[29] [30] და კალიფორნიის ტექნოლოგიის ინსტიტუტი[31]
ალმა-მატერი	საუნივერსიტეტო კოლეჯი, ტრინიტი-ჰოლი[32] , სენტ-ოლბანსის სკოლა, კემბრიჯის უნივერსიტეტი[33] , სენტ-ოლბანსის ქალთა უმაღლესი სკოლა და Byron House School
სამეცნიერო ხარისხი	ხელოვნების ბაკალავრი და დოქტორის ხარისხი
მეუღლე	ჯეინ უაილდ ჰოკინგი[34] და ელაინ მესონი
მამა	Frank Hawking[35]
დედა	Isobel Eileen Hawking[35]
შვილ(ებ)ი	ლუსი ჰოკინგი[19] , რობერტ ჰოკინგი და ტიმ ჰოკინგი
ჯილდოები	ალბერტ აინშტაინის მედალი[36] , ვოლფის პრიზი ფიზიკაში[37] , კოპლის მედალი[38] [39] , თავისუფლების საპრეზიდენტო მედალი[40] , Special Breakthrough Prize in Fundamental Physics[41] , ღირსების კავალერი[42] [43] , ედინგტონის მედალი[44] , ასტრონომიის სამეფო საზოგადოების ოქროს მედალი[45] , ბრიტანეთის იმპერიის ორდენის კომანდორი[42] , ნეილორის პრემია[46] , ოსკარ კლაინის მედალი[47] , ჰიუზის მედალი[48] , სამეფო საზოგადოების სამეცნიერო წიგნების პრემია[49] , ალბერტის მედალი[50] [51] , მიჩელსონ-მორლის ჯილდო[52] , ფონსეკას პრემია[53] , პიუს XI-ის მედალი[54] , მაქსველის მედალი და პრემია[55] , დირაკის მედალი[56] , ადამსის პრემია, ენდრიუ გემანტის პრემია[57] , The James Smithson Bicentennial Medal[58] , რობერტ ჰაინლაინის მემორიალური პრემია[59] , Princess of Asturias Award for Concord[60] , ჰარვარდის უნივერსიტეტის საპატიო დოქტორი[42] , ოქსფორდის უნივერსიტეტის საპატიო დოქტორი[42] , მარსელ გროსმანის პრემია[61] , ფრანკლინის მედალი[62] , BBVA ფონდის საზღვრების ცოდნის ჯილდო[63] , ბოდლის მედალი[64] , Gold medal of the Spanish National Research Council[65] , ალბერტ აინშტაინის პრემია, ხელოვნების სამეფო საზოგადოების წევრი, პრისტონის უნივერსიტეტის საპატიო დოქტორი, კემბრიჯის უნივერსიტეტის საპატიო დოქტორი[66] , დენი ჰაინემანის პრიზი მათემატიკურ ფიზიკაში[67] [68] , ლილიენფელდის პრემია[69] [69] , Princess of Asturias Awards, ფუნდამენტური ფიზიკის პრიზი, სამეფო საზოგადოების წევრი, აშშ-ის მეცნიერებათა ეროვნული აკადემიის წევრი, ბრტიანეთის იმპერიის ორდენი და ღირსების კავალერის ორდენი
გავლენა მოახდინეს :::Dikran Tahta, პოლ დირაკი, ბერტრან რასელი, კარლ რაიმონდ პოპერი, ანდრეი ლინდე[70] , იაკოვ ზელდოვიჩი[70] და ალბერტ აინშტაინი
ხელმოწერა
საიტი	hawking.org.uk
სტივენ ჰოკინგი ვიკისაწყობში

სტივენ ჰოკინგი დაიბადა 1942 წლის 8 იანვარს ინტელექტუალურ ოჯახში, მამა ექიმი იყო, დედა — ლიბერალური პარტიის აქტივისტი. სანტ ალბანსის სკოლის დამთავრების შემდეგ სწავლა მამის მსგავსად გააგრძელა ოქსფორდის უნივერსიტეტში. მამის სურვილის მიუხედავად და მისაგან განსხვავებით, მედიცინის ნაცვლად, მათემატიკის შესწავლა გადაწყვიტა, მაგრამ რადგან უნივერსიტეტში მათემატიკური განათლების მიღება შეუძლებელი იყო, იგი ფიზიკით დაინტერესდა. 21 წლის ასაკში ახალგაზრდა ფიზიკოსს განუვითარდა ლუ გერიგის დაავადება ანუ ამიოტროფული გვერდითი სკლეროზი — მძიმე განუკურნებელი ნევროლოგიური დაავადება, რომელიც ნერვკუნთოვანი ადამიანს უკარგავს მოძრაობის უნარს და მას სრულიად უმწეოს ხდის — რომელმაც საბოლოოდ 30 წლის ჰოკინგი დამბლამდე მიიყვანა. უნივერსიტეტი 1962 წელს დაამთავრა. იმ დროისთვის ოქსფორდში თეორიული ფიზიკის შესწავლით არავინ იყო დაკავებული, ამიტომ ჰოკინგი კოსმოლოგიის შესასწავლად კემბრიჯში გადავიდა. 1965 წელს დაქორწინდა ჯეინ უაილდზე. წყვილს მოგვიანებით შეეძინა ერთი გოგო და ორი ბიჭი. კემბრიჯში მან ფილოსოფიის დოქტორის ხარისხი და 1968 წელს კემბრიჯის ასტრონომიის ინსტიტუტში პროფესორის ადგილი მიიღო.

1973 წელს იგი გადავიდა კემბრიჯის უნივერსიტეტის გამოყენებითი მათემეტიკისა და თეორიული ფიზიკის ფაკულტეტზე. 1974 წელს იგი გახდა ლონდონის სამეფო საზოგადოების წევრი. 1979 წელს კი ლუკასის მათემატიკის პროფესორის პოსტი დაიკავა. ეს თანამდებობა კემბრიჯის უნივერსიტეტში 1669 წელს შემოიღო ღირსმა სერ ჰენრი ლუკასმა და 300 წლის წინ იგი ისააკ ნიუტონს ეჭირა.

1985 წელს მან ყელზე ოპერაცია გაიკეთა, რის გამოც დაკარგა მეტყველების უნარი. მეგობრებმა ფიზიკოსს აჩუქეს მეტყველების სინთეზატორი. მას შეეძლო მხოლოდ მარჯვენა ხელის თითების მოძრაობა, რის ხარჯზეც იგი მართავდა კომპიუტერს. კომპიუტერის საშუალებით იგი მიმართავდა საზოგადოებასაც. მოგვიანებით ჰოკინგს მეუღლესთან ურთიერთობა დაეძაბა, საბოლოოდ წყვილი ერთმანეთს გაშორდა. 1995 წელს ჰოკინგი ხელმეორედ დაქორწინდა, თუმცა 2006 წელს ერთმანეთს გაშორდნენ.

არის 12 საპატიო სამეცნიერო წოდების და მრავალი პრემიის, მედლებისა და ორდენების კავალერი, დიდი ბრიტანეთის სამეფო სამეცნიერო საზოგადოებისა და ამერიკის შეერთებული შტატების მეცნიერებათა ნაციონალური აკადემიის წევრი. მიუხედავად მძიმე ავადმყოფობისა, ჰოკინგი ეწეოდა აქტიურ ცხოვრებას. იგი აგრეთვე მოღვაწეობდა, როგორც მეცნიერების პოპულარიზატორი. იგი გარდაიცვალა 2018 წლის 14 მარტს, კემბრიჯში.

ჰოკინგის სამეცნიერო მოღვაწეობა ძირითადად მიმართულია დიდი აფეთქების ფიზიკური საფუძვლების ახსნასა და შავი ხვრელების შიგნით სივრცისა და დროის მნიშვნელოვანი დეფორმაციის გამოკვლევისკენ. როჯერ პენროუზთან ერთად მან დაასკვნა, რომ აინშტაინის ფარდობითობის ზოგადი თეორიის მიხედვით დრო და სივრცე შეიქმნა დიდი აფეთქების დროს. ამ შედეგებმა მოითხოვა ფარდობითობის თეორიისა და კვანტური მექანიკის სინთეზი. ჰოკინგი იმედოვნებს, რომ ფიზიკის ამ ორი დიდი თეორიის გაერთიანებით შესაძლებელი იქნება განხორციელდეს XX საუკუნის ფიზიკოსთა მისწრაფება შეიქმნას ბუნების ძალთა დიდი გაერთიანების თეორია.

ჰოკინგის ცნობილი სამეცნიერო შრომებია „დროისა და სივრცის მსხვილმასშტაბური სტრუქტურა“, „ფარდობითობის ზოგადი ავტორის თეორია: აინშტაინის 100 წლისთავისადმი მიძღვნილი მიმოხილვა“, „გრავიტაციის 300 წელი”; ასევე წიგნები „დროის მოკლე ისტორია“, „შავი ხვრელები, ახალგაზრდა სამყარო“.

სტივენ ჰოკინგის საუბარი ჟღერს პინკ ფლოიდის სიმღერებში „Keep Talking“ (ალბომიდან The Division Bell) და „Talkin Hawkin'“ (ალბომიდან The Endless River).

2014 წელს გამოვიდა ბრიტანული ბიოგრაფიული ფილმი „ყველაფრის თეორია“. ჰოკინგის როლს ედი რედმეინი ასრულებს.

 

არის გვერდი თემაზე:

სტივენ ჰოკინგი

 

არის გვერდი თემაზე:

სტივენ ჰოკინგი

• სტივენ ჰოკინგი
• სტივენ ჰოკინგი