სოჭნარი
სოჭნარი — მარადმწვანე წიწვოვანი ტყე, რომელშიც გაბატონებულია სოჭი.
საქართველოში სოჭნარს ქმნის კავკასიური სოჭი. მისი საუკეთესო კორომები ძირითადად გვხვდება აფხაზეთში, სვანეთში, რაჭაში, იმერეთსა და გურია-აჭარაში მთის შუა და ზედა სარტყლებში, ზღვის დონიდან 1500-1900 მეტრზე. აღმოსავლეთ საქართველოში სოჭნარი მხოლოდ დასავლეთ ნაწილშია. სოჭნარი შეიძლება იყოს წმინდა ან შერეული ნაძვთან და წიფელთან. საქართველოს სოჭნარში უფრო ხშირად ნაძვია შერეული. სუბალპურ სარტყელში, უმეტესად სამხრეთ კალთებზე, გავრცელებულია მეჩხერი, დაბალი წარმადობის სოჭნარი, მჟაველას,გვიმრისა და წივანას საფრით, შქერისა და წყავის ქვეტყით და სხვა. ჩვენში სოჭნარი დიდი წარმადობისაა. ხელუხლებელი სოჭნარის მერქნის მარაგი ჰექტარზე ზოგჯერ 2000 მ³ აღწევს.
ლიტერატურა
- ქართული საბჭოთა ენციკლოპედია, ტ. 9, თბ., 1985. — გვ. 501.
This article uses material from the Wikipedia ქართული article სოჭნარი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.