სამშვილდის კანიონი
სამშვილდის კანიონი — ორი კანიონის სახელწოდება საქართველოში, სოფელ სამშვილდის მიდამოებში, თეთრიწყაროს მუნიციპალიტეტში.
წარმოადგენს მდინარე ხრამის შუა წელში, ლავურ ქანებში გამომუშავებულ ღრმა კანიონისებრ ხეობისა და მისი მარცხენა შენაკადის მდინარე ჭივჭავის კანიონის ერთობლიობას. სიმაღლე ზღვის დონიდან 548–605 მ. სამშვილდის კანიონი იწყება გაშიშვლებული კვარცპორფირის ინტრუზივით, რომელსაც გამოფიტვის შედეგად სცვივა მაგმური კვარცის ლამაზი ერთნაირად დაკუთხული ბიპირამიდული ფორმის კრისტალები. მოიცავს მდინარე ხრამის 5–6 კმ სიგრძის კანიონსა და მდინარე ჭივჭავის 3–4 კმ სიგრძის კანიონს. სამშვილდის კანიონის ჩაჭრის სიღრმე საშუალოდ 300 მ-ია. სიახლოვეს მდებარეობს ისტორიული ძეგლი — სამშვილდის ნაქალაქარი. ყველაზე ახლომდებარე მსხვილი დასახლებული პუნქტია ქალაქი თეთრიწყარო. მანძილი თეთრიწყაროსა და სოფელ სამშვილდეს შორის 5 კმ. სამშვილდის კანიონი ბუნების ძეგლია.
| სამშვილდის კანიონი | |
|---|---|
IUCN კატეგორია III (ბუნების ძეგლი) | |
 სამშვილდის კანიონი | |
 | |
| მდებარეობა | თეთრიწყაროს მუნიციპალიტეტი |
| ქვეყანა |  საქართველო |
| უახლოესი ქალაქი | თეთრიწყარო |
| კოორდინატები | 41°30′21″ ჩ. გ. 44°30′59″ ა. გ. / 41.505972° ჩ. გ. 44.516444° ა. გ. |
| ფართობი | 4,05 კმ² |
| დაარსდა | 2013 წელს |
| მმართველი ორგანო | დაცული ტერიტორიების სააგენტო |
იხილეთ აგრეთვე
სქოლიო
This article uses material from the Wikipedia ქართული article სამშვილდის კანიონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.