საბურთალო — თბილისის ერთ-ერთი უბანი ქალაქის დასავლეთ მხარეს.
ადმინისტრაციული დაყოფით მოქცეულია ნაწილობრივ საბურთალოს, ნაწილობრივ კი ვაკის რაიონში. საბურთალოს რაიონში შემავალი სამი სამოქმედო უბნიდან ორი მოიცავს საბურთალოს უბანს — კოსტავა-ბახტრიონი-დოლიძე-ხილიანის სამოქმედო უბანი და ვეძისი-ყაზბეგი-გოთუა-საბურთალოს სამოქმედო უბანი, ვაკის რაიონში შემავალი ოთხი სამოქმედო უბნიდანაც ორი მოიცავს საბურთალოს უბანს — ვაჟა-ფშაველას კვარტლების სამოქმედო უბანი და ნუცუბიძის მიკრორაიონების სამოქმედო უბანი.
არქეოლოგიური მასალა ადასტურებს, რომ აქ ადამიანს უკვე ძვ. წ. V-IV ათასწლეულში უცხოვრია. XI-XIII საუკუნეებში იგი მზარდი უბანი ყოფილა, XVII-XVIII საუკუნეებში ვერეს ფარგლებში შედიოდა და ქალაქის დაწინაურებული სასოფლო-სამეურნეო რაიონი იყო. საბურთალოს ველის მორიგი დასახლება XIX საუკუნის II ნახევარში დაიწყო. 1917 წელს უშუალოდ ქალაქის ტერიტორიის ნაწილი გახდა. თანამედროვე საბურთალო თბილისის ერთ-ერთი კეთილმოწყობილი უბანია. აშენდა თანამედროვე ტიპის საცხოვრები სახლები, საწარმოები, სასწავლო და სამეცნიერო-კვლევითი დაწესებულებები.
This article uses material from the Wikipedia ქართული article საბურთალო, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.