რიგის ყურე (ლატვ.
Rīgas jūras līcis; ესტ. Liivi laht) — ყურე ბალტიის ზღვაში, ლატვიასა და ესტონეთს შორის. ხმელეთში შეჭრილია 174 კმ-ზე. ფართობი 18,1 ათ. კმ². ღია ზღვისგან გამოყოფილია მოონზუნდის (დასავლეთი ესტონეთის) კუნძულებით, ხოლო უკავშირდება ირბის, სურ-ვიაინის, ვიაიკე-ვიაინის, მუჰუს (მოონზუნდის) და სოელა-ვიაინის სრუტეებით. მაქსიმალური სიღრმე 62 მ. დიდი კუნძულებია რიჰნუ და კიჰნუ. ნაპირები უმთავრესად დაბალია და ქვიშიანი. ერთვის მდინარეები: დასავლეთის დვინა, ლიელუპე და გაუია. ზაფხულში წყლის ტემპერატურა 18°C-მდეა, ზამთარში 0-1°C. მარილიანობა 3,5-9‰. კარგად არის განვითარებული ბრუნვითი, ინერციული დინებები, რომელთა საშუალო სიჩქარეა 8 სმ/წმ. გაყინულია დეკემბრიდან აპრილამდე. მთავარი ნავსადგურია რიგა. რიგის ყურის სანაპიროზეა კურორტები და ქალაქები: იურმალა, პიარნუ, კუნძულ საარემააზე — კურესაარე.
This article uses material from the Wikipedia ქართული article რიგის ყურე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.