პალესტინა
პალესტინა (ბერძ.
Παλαιστίνη, ებრ. פלשתינה პალესთინა, არაბ. فلسطين ფილასტინ ან ფალასტინ, იხ. აგრ. ქანაანელი) — ერთ-ერთი ისტორიული სახელი მიწისა ხმელთაშუა ზღვასა და მდ. იორდანეს შორის, რამდენიმე მოსაზღვრე ტერიტორიებთან ერთად აღმოსავლეთითა და სამხრეთით.
რეგიონის სახელწოდება წარსული სამი ათასწლეულის განმავლობაში განსხვავებული ფორმებით არსებობდა. პალესტინის ტერიტორიაზე მოსახლე სემიტური მოდგმის ტომები რეგიონს უწოდებდნენ ქანაანს. პალესტინა ბერძნული წარმოშობისაა. პირველად ეს სახელი მოიხსენია ანტიკური ხანის ბერძენმა ისტორიკოსმა ჰეროდოტემ. როდესაც ეს მიწები რომის იმპერიის ნაწილი გახდა, პროვინციას მისი ბერძნული სახელით მოიხსენიებდნენ (პალესტინა) და ეს სახელი დამკვიდრდა და გავრცელდა მთელ რომის იმპერიაში და მის გარეთ. რომის იმპერიის ორად გაყოფის შემდეგ პალესტინა აღმოსავლეთ რომის იმპერიის შემადგენლობაში შევიდა (შემდგომში ბიზანტიის იმპერია). შემდეგ იგი არაბების ბატონობის ქვეშაა. ამ პერიოდში ხდება არაბული მოსახლეობის მომძლავრება აღნიშნულ რეგიონში. არაბების შემდეგ, პალესტინას ახალი მფლობელები გამოუჩნდნენ თურქ–სელჩუკების სახით.
შუა საუკუნეებში პალესტინა სისხლისმღვრელი ომების პოლიგონად იქცა, ევროპელი ჯვაროსნები და მაჰმადიანი მბრძანებლები ხანგრძლივ ბრძოლებს აწარმოებდნენ მის ხელში ჩასაგდებად. შემდეგ პალესტინა ოსმალური იმპერიის ნაწილი ხდება ხანგრძლივი დროით.
მე-20 საუკუნეში პალესტინის ტერიტორია ბრიტანელებს გადაეცა. ამ პერიოდში ჩნდება ებრაული დასახლებებიც, რომლებიც იზრდებოდა და ივსებოდა ებრაელი რეპატრიანტების ხარჯზე, რაც ადგილობრივ მუსლიმანურ მოსახლეობაში დიდ უკმაყოფილებას იწვევდა.
მეორე მსოფლიო ომის შემდეგ 1947 წლის 29 ნოემბერს გაერომ მიიღო რეზოლუცია, რომლის მიხედვითაც უნდა შექმნილიყო ებრაული და არაბული სახელმწიფოები პალესტინის ტერიტორიაზე, არაბული სამყაროს დიდი წინააღმდეგობის მიუხედავად 1948 წლის 14 მაისს გამოცხადდა ისრაელის სახელმწიფოს დამოუკიდებლობა.
ამჟამად პალესტინის ტერიტორიაზე არსებობს ორი დამოუკიდებელი სახელმწიფო ისრაელისა (ებრაული) და პალესტინის (არაბული), თუმცა კონფლიქტი დღემდე მოუგვარებელია.
რესურსები ინტერნეტში
- www.palestinecenter.org - საიტი პალესტინის შესახებ, დღევანდელი და ისტორიული ინფორმაციით დაარქივებული 2012-04-16 საიტზე Wayback Machine.
- www.mideastweb.org - პალესტინის პოპულაციის საიტი
- ხურდები და ქაღალდის ფული ბრიტანეთის სამანდატო პალესტინაში დაარქივებული 2007-06-25 საიტზე Wayback Machine.
- WorldStatesmen- რუკები, დროშები, ქრონოლოგია, ისრაელის და პალესტიის ეროვნული ატრიბუტები
- hWeb - პალესტინის რუკები დაარქივებული 2008-04-30 საიტზე Wayback Machine.
- ენციკლოპედიური ინფორმაცია პალესტინის შესახებ
- პალესტინის ლიბერალურ დემოკრატიული მეგობრები დაარქივებული 2010-12-21 საიტზე Wayback Machine.
- რუკები
- 1916 დაარქივებული 2007-06-21 საიტზე Wayback Machine.
- 1947 გაეროს მონაწილების გეგმა
This article uses material from the Wikipedia ქართული article პალესტინა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.