ცემესის უბე, ნოვოროსიისკის უბე (რუს.
Цемесская бухта; Новороссийская бухта) — შავი ზღვის უბე კავკასიის სანაპიროს ჩრდილო-დასავლეთ ნაწილში. სახელწოდება მიიღო მასში ჩამავალი მდინარის ცემესის სახელის მიხედვით. სიგრძე 15 კმ, სიგანე შესასვლელთან 9 კმ, ცენტრალურ ნაწილში 4,6 კმ. სიღრმე 21-27 მ. სამხრეთ-დასავლეთი ნაპირები დაბალია, ჩრდილო-აღმოსავლეთი — ამაღლებული. სუსტად არის შეჭრილ-შემოჭრილი. წარმოქმნილია სუჯუკის ცელათი და დოობის კონცხით. შემოდგომასა და ზამთარში იცის ძლიერი ქარი, — ბორა, რაც საშიშროებას უქმნის ნაოსნობას. გემებისათვის მოსახერხებელია. ცემესის უბის ნაპირზეა ქალაქი ნოვოროსიისკი. 1986 წლის 31 აგვისტოს ცემესის უბიდან გამოსვლის შემდეგ გემი „ადმირალ ნახიმოვი“ შეეჯახა ბალკერს „პეტრე ვასევს“, რის შედეგადაც „ადმირალ ნახიმოვი“ 7-8 წუთში ჩაიძირა. დაიღუპა 423 ადამიანი. კატასტროფიდან ერთი წლის შემდეგ დოობის კონცხზე დაიდგა სამახსოვრო ნიშანი.
ცემესის უბე | |
---|---|
ცემესის უბე | |
ზოგადი ინფორმაცია | |
ტიპი | უბე |
უდიდესი სიღრმე | 27 მ |
სიგრძე | 15 კმ |
სიგანე | 9 კმ |
This article uses material from the Wikipedia ქართული article ცემესის უბე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.