მოლდავური საბჭოთა ენციკლოპედია
მოლდავური საბჭოთა ენციკლოპედია (მოლდ.
Енчиклопедия Советикэ Молдовеняскэ) — პირველი უნივერსალური ენციკლოპედია მოლდავურ ენაზე. გამოიცა 1970—1981 წლებში 8 ტომად 25 ათასიანი ტირაჟით.
მკპ ცკ-ის მიერ მოლდავური საბჭოთა ენციკლოპედიის გამოცემის დადგენილება 1967 წელს იქნა მიღებული. ამავე წელს ჩამოყალიბდა ენციკლოპედიის მთავარი რედაქცია. პირველი მთ. რედაქტორი აკადემიკოსი ია. ს. გროსული იყო. მისი ხელმძღვანელობით 1—3 ტომი გამოვიდა. 1974 წლიდან ეს პოსტი ი. კ ვარტიჩანმა დაიკავა.
აღწერილობა
ენციკლოპედია დაახლოებით 40 ათას სტატიას, 4400 ილუსტრაციას, 244 ჩანართს, 44 ფერად და 244 შავ-თეთრ რუკას მოიცავს. გამოცემის მოცულობა — 693,3 ტექსტის საავტორი ფურცელია. ენციკლოპედიის საერთო მოცულობის დაახლოებით 30 % რეგიონული ხასიათის სტატიებია, რომლებიც მოლდავეთის ბუნებას, ისტორიას, ეკონომიკას და კულტურას ეძღვნება. გამოცემა 6000-მდე ბიოგრაფიულ ცნობარს, მათ შორის, მოლდაველ მოღვაწეთა შესახებ 2200 სტატიას მოიცავს.
1979 წელს რუსულ და მოლდავურ ენებზე გამოცემული, ენციკლოპედიის დასკვინითი მე-8 ტომი წარმოადგენს მოლდავეთის სსრ ენციკლოპედიურ ცნობარს, რომელიც თემატური პრინციპით არის შექმნილი.
1982 წელს მოლდავეთის საბჭოთა ენციკლოპედიის საფუძველზე გამოიცა მცირე ენციკლოპედია „საბჭოთა მოლდავეთი“ რუსულ ენაზე.
სხვა საბჭოთა ენციკლოპედიები
ლიტერატურა
- «მოლდავური საბჭოთა ენციკლოპედია» — (კიშინიოვი, მოლდავური საბჭოთა ენციკლოპედიის მთავარი რედაქცია, 1982)
- «მოლდავური საბჭოთა ენციკლოპედია» — სტატია დიდ ენციკლოპედიურ სიტყვარზე
რესურსები ინტერნეტში
This article uses material from the Wikipedia ქართული article მოლდავური საბჭოთა ენციკლოპედია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.