მბაბანე

Mbabane) — ესვატინის დედაქალაქი და უმსხვილესი ქალაქი, ჰოჰოს რეგიონის ადმინისტრაციული ცენტრი. 2010 წლის მონაცემებით მოსახლეობა 94 874 ადამიანს შეადგენს. დაარსდა XVII საუკუნის დასასრული-XVIII საუკუნის დასაწყისში, როგორც ციხე-სიმაგრე. ქალაქში მდებარეობს ესვატინის საფონდო ბირჟა.

ქალაქი
მბაბანე ინგლ. Mbabane
ქვეყანა	ესვატინი
კოორდინატები	26°19′00″ ს. გ. 31°08′00″ ა. გ. / 26.31667° ს. გ. 31.13333° ა. გ. / -26.31667; 31.13333
დაარსდა	1902
ფართობი	150 კმ²
ცენტრის სიმაღლე	1243 მ
მოსახლეობა	94 874 კაცი (2010)
სიმჭიდროვე	632,49 კაცი/კმ²
სასაათო სარტყელი	UTC+2
საფოსტო ინდექსი	H100
ოფიციალური საიტი	mbabane.org.sz
მბაბანე ვიკისაწყობში

მას შემდეგ, რაც 1902 წელს ქვეყნის ადმინისტრაციული ცენტრი ბრემერსდორპიდან (ამჟამად მანზინი) მბაბანეში გადმოიტანეს, ქალაქმა სწრაფი ზრდა დაიწყო. სახელი ეწოდა ბელად მბაბანე კუნენეს პატივსაცემად, რომელიც მას ბრიტანელთა გამოჩენამდე მართავდა.

მდებარეობს მდინარე მბაბანესა და მის შენაკად პოლინჯანეზე, მდიმბის მთებში, ზღვის დონიდან 1243 მეტრზე. ავტოგზით და რკინიგზით დაკავშირებულია მოზამბიკის დედაქალაქთან და პორტთან — მაპუტუსთან.

ქალაქში მდებარეობს კვების, სამკერვალო და ლითონგადამამუშავებელი საწარმოები. ხდება სასოფლო-სამეურნეო ნედლეულის გადამუშავება. მბაბანესთან სიახლოვეს მიმდინარეობს ასბესტის დამუშავება.

•   ფორტ-უერთი, აშშ
•   ტაიბეი, ტაივანი
•   მერსინგი, მალაიზია
•   მელილია, ესპანეთი
•   მაპუტუ, მოზამბიკი

• ოფიციალური საიტი დაარქივებული 2016-08-26 საიტზე Wayback Machine.
• Alliance française de Mbabane დაარქივებული 2007-09-28 საიტზე Wayback Machine.