ლევან თაქთაქიშვილი

15 აპრილი, 1949, თბილისი) — ქართველი კომპოზიტორი და პედაგოგი, საბჭოთა კავშირის კომპოზიტორთა კავშირის წევრი.

ლევან თაქთაქიშვილი
ბიოგრაფია
დაბ. თარიღი	15 აპრილი, 1949(1949-04-15) (74 წლის)
დაბ. ადგილი	თბილისი, საქართველოს სსრ, სსრკ
საქმიანობა	კომპოზიტორი, პედაგოგი

1974 წელს დაამთავრა თბილისის სახელმწიფო კონსერვატორია კომპოზიტორის სპეციალობით ანდრია ბალანჩივაძის კლასით. 1974—1980 წლებში მუშაობდა გორის მუსიკალურ სასწავლებელში თეორიული საგნების პედაგოგად, 1980 წელს რუსთავის № 3 სამუსიკო სკოლაში გუნდის პედაგოგად. 1981—1984 წლებში რუსთავის თოჯინების თეატრის მუსიკალური ნაწილის გამგედ მუშაობდა. 1984 წლიდან თბილისის №26 მუსიკალური სკოლის პედაგოგი იყო. 1977 წლიდან იყო სვეტიცხოვლის მგალობელთა ანსამბლის რეგენტი. 1982-1983 წლებში მუშაობდა მცხეთის სასულიერო სემინარიის გალობის პედაგოგად და სამთავროს ეკლესიის მგალობელთა რეგენტად.

2007 წელს მუშაობდა რეგენტად სამების საკათედრო ტაძარში.

• სიმფონია კამერული ორკესტრისთვის — 1974
• საფორტეპიანო კონცერტინო — 1973
• „კარიკატურა“ კამერული ორკესტრისთვის — 1972
• „თუშური ჩანატირი“ პოემა ქალთა გუნდისთვის — 1979
• ვოკალური ინსტრუმენტული ციკლი „ვედრება“ — 1977
• „გოლგოთა“ საგუნდო კანტატა სამ ნაწილად — 1981
• საფორტეპიანო ვარიაციები — 1971
• სასულე კვინტეტი — 1976
• „გოგოვ, გოგოვ შავთვალაო“ საგუნდო პოემა — 1986
• „მემუარები“ ქალთა კაპელისთვის — 1976

საბავშვო მიუზიკლები

• „მეგობრები"“ — 1981
• „მუცელა„ — 1982
• „გულკეთილი თოჯინა“ — 1982
• „ტყის კომედია“ — 1986
• „იავნანამ რა ჰქმნა“ — 1989
• „ტრაბახა ყვინჩილა“ — 2005
• „დედა ენა“ — ბავშვთა კაპელისთვის — 1990 წელს მიღებული აქვს ი. გოგებაშვილის სახელობის პრემია.

საბავშვო სიმღერები

• „ფრესკები“ საგუნდო ციკლი აკაპელა — 1987
• საეკლესიო კვერექსები და საგალობლები — 1976-2010

• თბილისის კომპოზიტორები და მუსიკათმცოდნეები, გვ. 336, თბილისი, 1984 წელი.

• ლევან თაქთაქიშვილი — საქართველოს ბიოგრაფიული ლექსიკონი