კანიე უესტი
კანიე ომარი უესტი (ინგლ.
8 ივნისი, 1977) — ამერიკელი მუსიკალური პროდიუსერი, რეპერი, მომღერალი, სიმღერების ავტორი და დიზაინერი.
| კანიე უესტი | |
|---|---|
 | |
| ბიოგრაფია | |
| ნამდვილი სახელი | კანიე ომარი უესტი |
| დაბ. თარიღი | 8 ივნისი, 1977 |
| დაბ. ადგილი | ატლანტა, ჯორჯია |
| წარმოშობა |  ჩიკაგო, ილინოისი, აშშ |
| ეროვნება | აფრო-ამერიკელები[1] |
| ჟანრ(ებ)ი | ჰიპ ჰოპი, პოპ რეპი, ალტერნატიული ჰიპ ჰოპი |
| საქმიანობა | პროდიუსერი, რეპერი |
| ინსტრუმენტ(ებ)ი | ვოკალი, პერკუსია, პიანინო |
| აქტიური | 2000-დან დღემდე |
| ლეიბლ(ებ)ი | Columbia Records/GOOD Music/Roc-A-Fella/Def Jam |
| ხელმოწერა |  |
| საიტი | www.kanyewest.com |
| კანიე უესტი ვიკისაწყობში | |
პოპოულარობა მოიპოვა 2000-იან წლებში. ის დაიბადა ატლანტაში, გაიზარდა ჩიკაგოში და გახდა ცნობილი, როგორც Roc-A-Fella Records-ის პროდიუსერი, თუმცა შემდგომში მან თავისი რეპ-კარიერაც წამოიწყო და 2004 წელს გამოსცა პირველი ალბომი, The College Dropout, რომელმაც კომერციული წარმატება და კრიტიკოსების მიერ აღიარება მოიპოვა. შემდეგში მან თავისი ლეიბლი, GOOD Music დაარსა. მის მუსიკაში გამოიყენებოდა როგორც ორკესტრის, ასევე სინთეზატორებისა და Auto-Tune-ს ელემენტები, რაც განსაკუთრებით შეინიშნებოდა ალბომებში Late Registration (2005), Graduation (2007) და 808s & Heartbreak (2008). მის მე-5 და მე-6 ალბომებმა, My Beautiful Dark Twisted Fantasy-მ (2010) და Yeezus-მა (2013) ასევე მოიპოვეს კომერციული წარმატება და კრიტიკოსების მოწონება. უესტმა სხვადასხვა მუსიკალური სტილების გამოყენება მის შემდგომ 2 ალბომში, The Life of Pablo-ში (2016) და Jesus Is King-ში (2019) დაიწყო. მის მე-10 ალბომმა, Donda-მ ასევე მიაღწია კომერციულ წარმატებას, თუმცა კრიტიკოსებისგან შედარებით დაბალი შეფასება დაიმსახურა. უესტის დისკოგრაფიაში ასევე შედის 2 კოლაბორაციული ალბომი. ესენია Watch The Throne (2011) ჯეი-ზისთან ერთად და Kids See Ghosts (2018) Kid Cudi-სთან ერთად.
უესტი, რომელმაც 160 მილიონზე მეტი ეგზემპლარი გაყიდა, 100 ყველაზე გაყიდვადი მუსიკალური შემსრულებლების სიაში შედის. მას მიღებული აქვს გრემის 90-ზე მეტი ნომინაცია, აქედან მან 22-ში გაიმარჯვა, რაც რეპერებს შორის ყველაზე დიდი მაჩვენებელია. მას ასევე მოგებული აქვს ბილბორდის Artist Achievment Award, BRIT Awards, როგორც საუკეთესო საერთაშორისო მამაკაცი სოლო-შემსრულებელი და მაიკლ ჯექსონის სახელობის Video Vanguard Award. კანიეს 6 ალბომი Rolling Stone-ის ყველა დროის 500 საუკეთესო ალბომის სიაში მოხვდა. ამავე ჟურნალმა ის ყველა დროის 100 საუკეთესო ავტორების სიაში შეიტანა. 2005-დან 2015-მდე ის 100 ყველაზე გავლენიან ადამიანთა სიაში შედიოდა.
ადრეული ცხოვრება
უესტი დაიბადა 1977 წლის 8 ივნისს ქალაქ ატლანტაში, ჯორჯია.კანიეს მშობლები ერთმანეთს უესტის დაბადებიდან 3 წლის შემდეგ დაშორდნენ, რის შემდეგაც უესტი დედამისთან ერთად საცხოვრებლად ჩიკაგოში გადავიდა.
დისკოგრაფია
მთავარი სტატია: კანიე უესტის დისკოგრაფია.- სტუდიური ალბომები
- The College Dropout (2004)
- Late Registration (2005)
- Graduation (2007)
- 808s & Heartbreak (2008)
- My Beautiful Dark Twisted Fantasy (2010)
- Watch The Throne (2011)
- Yeezus (2013)
- The Life of Pablo (2016)
- Ye (2018)
- Kids See Ghosts (2018)
- Jesus Is King (2019)
- Donda (2021)
- Donda 2 (2022)
რესურსები ინტერნეტში
სქოლიო
This article uses material from the Wikipedia ქართული article კანიე უესტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.