ვანო ზოდელავა: ქართველი პოლიტიკოსი
ივანე (ვანო) ზოდელავა (დ.
2 მაისი, 1957, თბილისი, საქართველოს სსრ, სსრკ — გ. 5 თებერვალი, 2019, თბილისი) — ქართველი პოლიტიკოსი, სპეციალობით ინჟინერი.
| ვანო ზოდელავა | |
 | |
| თბილისის მერი | |
|---|---|
| თანამდებობაზე ყოფნის დრო | |
| 10 აგვისტო, 1998 – 19 აპრილი, 2004 | |
| პრეზიდენტი | ედუარდ შევარდნაძე მიხეილ სააკაშვილი |
| წინამორბედი | ბადრი შოშიტაიშვილი |
| მემკვიდრე | ზურაბ ჭიაბერაშვილი |
| დაბადებული | 2 მაისი, 1957 თბილისი, საქართველოს სსრ |
| გარდაცვლილი | 5 თებერვალი, 2019 (61 წლის) თბილისი, საქართველო |
| მოქალაქეობა | საქართველო |
| ეროვნება | ქართველი |
| პოლიტიკური პარტია | საქართველოს მოქალაქეთა კავშირი |
| განათლება | თბილისის სახელმწიფო უნივერსიტეტი |
| რელიგია | მართლმადიდებლობა |
ბიოგრაფია
1977-1978 წლებში თბილისის სახელმწიფო უნივერსიტეტის უფროსი ლაბორანტი; 1978 წელს მშენებლობის სამინისტროს N13 ტრესტის N5 სამშენებლო სამმართველოს უფროსი ოსტატი; 1978-1981 წლებში თბილისის სახელმწიფო უნივერსიტეტის ასპირანტი; 1981 წელს უმცროსი მეცნიერ-თანამშრომელი; 1981-1985 წლებში კომკავშირის კომიტეტის მდივანი; 1985-1988 წლებში ქალაქ თბილისის ორჯონიკიძის რაიონის კომკავშირის პირველი მდივანი; 1988-1990 წლებში პარტიის თბილისის საქალაქო კომიტეტის საორგანიზაციო განყოფილების ინსტრუქტორი; 1990-1991 წლებში ქალაქ თბილისის ორჯონიკიძის რაიონის რაიკომის მდივანი; 1991-1996 წლებში ერთობლივი საწარმო „თბილისი ლინკისა“ და „საქართველო-ამერიკის პარტნიორის“ პრეზიდენტი; 1996-1997 წლებში თბილისის საგადასახადო ინსპექციის უფროსი; 1997 წელს თბილისის მუნიციპალიტეტის პრემიერის I მოადგილე; 1997-1998 წლებში ქალაქ ფოთის მერი; 1997 წლიდან ფაზისის აკადემიის წევრი, 1998-2004 წლებში თბილისის მერი. ავტორია ოცამდე სამეცნიერო ნაშრომისა.
ვანო ზოდელავა 2019 წლის 5 თებერვალს, 61 წლის ასაკში გარდაიცვალა. მან ჯანმრთელობის მძიმე დაზიანება 2017 წლის ივლისში მიიღო, როდესაც აზერბაიჯანის საზღვრიდან თბილისისკენ მომავალ გზაზე ავტოავარიაში მოყვა, რის შემდეგაც თავის მძიმე ტრავმა მიიღო და გარდაცვალებამდე თბილისის პირველ კლინიკურ საავადმყოფოში მკურნალობდა.
ჯილდოები
1997 — ფოთის საპატიო მოქალაქე
ლიტერატურა
- ვინ ვინაა საქართველოში: ქართული ბიოგრაფიული ცნობარი. თბილისი, 1998-1999. გვერდი 135.
რესურსები ინტერნეტში
სქოლიო
This article uses material from the Wikipedia ქართული article ვანო ზოდელავა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.