იაზონის მღვიმე
იაზონის მღვიმე, წყალწითელას მღვიმე — კარსტული მღვიმე საქართველოში, ქუთაისის ადმინისტრაციულ საზღვრებში.
მდებარეობს ქუთაისის ჩრდილო-აღმოსავლეთით, სოფელ გოდოგანის მახლობლად, მდინარე წყალწითელას კანიონის უკიდურეს სამხრეთ ნაწილში, ზღვის დონიდან 75 მ სიმაღლეზე. აღმავალი დახშული მღვიმეა. სიგრძე 40 მ. გამომუშავებულია ქვედაცარცულ კირქვებში. ქიმიური ნალექებით ღარიბია. გვხვდება მცირე ზომის სტალაქტიტები, სტალაგნატები და სტალაგმიტები. მექანიკურიდან კლასტური მასალა. შუა ადგილას ლამი და ტალახია. არის კულტურული ნაფენები. 10 მ-ის გავლის შემდეგ მღვიმის სიგანე მცირდება 2,5 მ-დე, ბოლო ნაწილში ჭერი 0,5 მ-მდე დაბლდება. ბოლოში ლამიანი ჩამონაშალითაა გადაკეტილი. ჰავა დინამიურია, მშრალი. ჭერიდან წვეთავს. მღვიმე მრავალი ტროგლობიონტი ცხოველითაა დასახლებული. წინა ნაწილში ხარობს სინათლის მოყვარული ბალახეული მცენარეები, სოკოები, მცირეჯაგრიანი რგოლოვანი ჭიები, ათფეხიანები, მწერები და სხვა. აქ მოპოვებული ცხოველთა ძვლები და კაჟის იარაღები ცხადყოფს, რომ მღვიმე პალეოლითის ხანის ადამიანის სადგომს წარმოადგენდა. იაზონის მღვიმე ბუნების ძეგლია.
| იაზონის მღვიმე | |
|---|---|
| კოორდინატები: 42°16′19″ ჩ. გ. 42°44′01″ ა. გ. / 42.2721167° ჩ. გ. 42.7337861° ა. გ. | |
| ქვეყანა |  საქართველო |
| ტერიტორიული ერთეული | ქუთაისი |
| აბსოლუტური სიმაღლე | 75 მ |
| შეფარდებითი სიმაღლე | 6 მ |
| სიგრძე | 40 მ |
  | |
 | |
იხილეთ აგრეთვე
სქოლიო
This article uses material from the Wikipedia ქართული article იაზონის მღვიმე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.