ვეჯინი: სოფელი საქართველოში
ვეჯინი — სოფელი საქართველოში, გურჯაანის მუნიციპალიტეტში, გომბორის ქედის ჩრდილო-აღმოსავლეთ კალთის მთისწინეთსა და ალაზნის ვაკის მიჯნაზე, ბაკურციხე-თელავის საავტომობილო გზაზე.
თემის ცენტრი. ზღვის დონიდან 420 მეტრი, გურჯაანიდან 7 კილომეტრი. 2014 წლის აღწერის მონაცემებით სოფელში ცხოვრობს 2935 ადამიანი.სოფელი სამ მთავარ, კეჭის, ვეჯინის და აზნაურის, სექტორებად იყოფა.
| სოფელი | |
|---|---|
| ვეჯინი | |
 ვეჯინის ამაღლების ტაძარი | |
| ქვეყანა |  საქართველო |
| მხარე | კახეთის მხარე |
| მუნიციპალიტეტი | გურჯაანის მუნიციპალიტეტი |
| თემი | ვეჯინი |
| კოორდინატები | 41°42′35″ ჩ. გ. 45°49′49″ ა. გ. / 41.70972° ჩ. გ. 45.83028° ა. გ. |
| ცენტრის სიმაღლე | 420 მ |
| ოფიციალური ენა | ქართული ენა |
| მოსახლეობა |  2935 კაცი (2014) |
| ეროვნული შემადგენლობა | ქართველები 99,6 % |
| სასაათო სარტყელი | UTC+4 |
| სატელეფონო კოდი | +995 |
.svg)   | |
სოფელში ფუნქციონირებს ჰიდროელექტროსადგური „ალაზანჰესი“, რომელიც XX საუკუნის 30-იან წლებში აიგო. 90-იან წლებში ვეჯინელებმა შეძლეს ამ სადგურის შესყიდვა, თუმცა 2001 წელს ჰესი აქციონერების დაუკითხავად აუქციონზე გაყიდეს და მფლობელებს არანაირი კომპენსაცია არ გადაუხადეს.
სოფელ ვეჯინიდან იყო XX საუკუნის ცნობილი მეცნიერი — ფიზიოლოგი ივანე ბერიტაშვილი. სოფელში ცნობილი მეცნიერის სახელობის მუზეუმიც არსებობს. ფუნქციონირებს სკოლა, რომელსაც არსებობის საუკუნეზე მეტი ტრადიცია აქვს, XIX საუკუნეში ამ სკოლაში ვაჟა-ფშაველას ძმა ბაჩანა ასწავლიდა. 90-იან წლებამდე სოფელში ფუნქციონირებდა რკინიგზის სადგური, რომელიც დღეს მთლიანად უფუნქციოდ არის დარჩენილი. სოფელში არსებობს კულტურის სახლის შენობა, რომელსაც რეაბილიტაცია ესაჭიროება. სოფლის მეურნეობის წამყვანი დარგი მევენახეობა, მებაღჩეობა და მეხილეობაა. მნიშვნელოვანი ადგილი უკავია მარწყვის და ატმის კულტურას.
სოფელი არქეოლოგიურად შეუსწავლელია. სოფლის ტერიტორიაზე დღემდე შემორჩენილია ოცდაათზე მეტი ისტორიული ძეგლი ან ნანგრევი. მათგან სიდიადით გამოირჩევა ამაღლების სამონასტრო კომპლექსი და ყველაწმინდის ეკლესია.
იხილეთ აგრეთვე
- აბაშიძეების კოშკი
- ვეჯინის კვირაცხოვლის ეკლესია
- ვეჯინის მეორე გვირაბი
- ვეჯინის მეორე ნაგებობა
- ვეჯინის მესამე გვირაბი
- ვეჯინის მესამე ნაგებობა
- ვეჯინის ნათლისმცემლის ეკლესია
- ვეჯინის ნამოსახლარი
- ვეჯინის პეტრე და პავლე მოციქულების ეკლესია
- ვეჯინის პირველი გვირაბი
- ვეჯინის პირველი ნაგებობა
- ვეჯინის ფურცელაძეების ეკლესია
- ვეჯინის ყველაწმინდის ეკლესია
- ვეჯინის ციხე
- ვეჯინის წმინდა გიორგის ეკლესია
- ვეჯინის წმინდა ნინოს ეკლესია
- ვეჯინის წმინდა სტეფანეს ეკლესია
- ვეჯინის ჯანიაანთ საყდარი
- ივანე ბერიტაშვილის მუზეუმი
- ცხრასაყდარი
ლიტერატურა
- ქართული საბჭოთა ენციკლოპედია, ტ. 4, თბ., 1979. — გვ. 391.
სქოლიო
This article uses material from the Wikipedia ქართული article ვეჯინი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.