ვაციკფარსი — მთა საქართველოს შიდა ქართლის მხარის ჯავის მუნიციპალიტეტის, მცხეთა-მთიანეთის მხარის ყაზბეგის მუნიციპალიტეტისა და რუსეთის ჩრდილოეთი ოსეთის საზღვრებს შორის.
მდებარეობს მაღრან-დვალეთის კავკასიონის მთავარ წყალგამყოფ ქედზე, მდინარეების თერგისა და სბის (დიდი ლიახვის სისტემა) სათავეებში. სიმაღლე ზღვის დონიდან 3573 მ. აგებულია ზედაიურული მერგელებით, კირქვებით, კონგლომერატებით, თიხაფიქლებითა და ქვიშაქვებით. მეოთხეულ პერიოდში ვაციკფარსიდან მყინვარები ყველა მიმართულებით ეშვებოდა. მთის დასავლეთი კალთა ციცაბოა, დანარჩენი — დამრეცი. შემოსილია სუბალპური და ალპური მდელოებით.
ვაციკფარსი | |
---|---|
კოორდინატები: 42°37′36″ ჩ. გ. 44°13′55″ ა. გ. / 42.626694° ჩ. გ. 44.232000° ა. გ. | |
ქვეყანა | საქართველო რუსეთი |
ტერიტორიული ერთეული | შიდა ქართლის მხარე მცხეთა-მთიანეთის მხარე ჩრდილოეთი ოსეთი |
სიმაღლე | 3573 მ |
ქედი | მაღრან-დვალეთის კავკასიონი |
ამგებელი ქანები | მერგელი, კირქვა, კონგლომერატი, თიხაფიქალი და ქვიშაქვა |
This article uses material from the Wikipedia ქართული article ვაციკფარსი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.