ვალერი კოჩაროვი
ვალერი კოჩაროვი (დ.
1949 — გ. 3 მაისი, 2022) — ქართველი მხატვარი და როკ-მუსიკოსი (გიტარისტი, ვოკალისტი).
პროფესიით მხატვარი, კოჩაროვი იყო საქართველოში კინეტიკური ხელოვნების ერთ-ერთი პიონერი. კოჩაროვის აქტიური სასცენო მოღვაწეობა 1970-იან წლების დასაწყისში დაიწყო. კარიერის განმავლობაში იგი სხვადასხვა მუსიკალური ჯგუფის წევრი იყო, მათ შორისაა „კვადრატი“, Cold Flame („ქოულდ ფლეიმ“) და The Blitz („ბლიცი“), რომელიც ცნობილი იყო ორიგინალური კომპოზიციებით (ქართულ და რუსულ ენებზე) და The Beatles-ის ქავერ-ვერსიებით. კოჩაროვის სახელს უკავშირდება The Beatles-ის პოპულარიზაცია საქართველოში. 1989 წელს ლივერპულში, „ბითლზ-ორეულების“ ტრადიციულ კონკურსზე ფესტივალის მთავარი ჯილდო ბრიტანული კვარტეტის საუკეთესო გარეგნული და მუსიკალური მიბაძვისათვის სწორედ ჯგუფ „ბლიცს“ მიენიჭა. კოჩაროვი გარდაიცვალა 2022 წლის 3 მაისს, ინსულტის შედეგად.
ვალერი კოჩაროვის შვილი, ნიკა კოჩაროვი (დ. 1980) ასევე ცნობილი როკ-მუსიკოსი და ჯგუფ Nika Kocharov & Young Georgian Lolitaz-ის ლიდერია.
სქოლიო
This article uses material from the Wikipedia ქართული article ვალერი კოჩაროვი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.