დაუნორუბიცინი (ლათ.
Daunorubicinum, ინგლ. Daunorubicin) — ანტრაციკლინური ანტიბიოტიკებიდან ერთ-ერთი, ციტოსტატიკური პრეპარატი, რომელიც ცნობილია 1960-იანი წლებიდან.
პროდუცირდება Streptomyces coeruleorubidus ან Streptomyces peucetius მიკროორგანიზმებით. თრგუნავს გრამდადებითი ბაქტერიებისა და მიკობაქტერიების ზრდას, მაგრამ დაბალ აქტიურობას ავლენს გრამუარყოფითი ბაქტერიების მიმართ. გამოიყენება კიბოს ქიმიოთერაპიაში, აგრეთვე გამშვები მასალის სახით გამოიყენება სხვა ანტრაციკლური ანტიბიოტიკების წარმოებაში (დოქსორუბიცინი, ეპირუბიცინი, იდარუბიცინი და სხვა). დაუნორუბიცინის მოლეკულა შედგება ტეტრაციკლური ანტრაქინოიდურ აგლიკონ დაუნორუბიცინონისგან, რომელიც გლიკოზიდური ბმითაა დაკავშირებული ამინოშაქარ დაუნოზამინთან. სინონიმები: რუბომიცინი, რუბიდომიცინი, დაუნომიცინი.
This article uses material from the Wikipedia ქართული article დაუნორუბიცინი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.